我係因為朋友介紹而認識到 Ocean Wedding，於是就揀咗佢哋。我覺得佢哋嘅同事都幾nice，解答我哋嘅問題都幾清楚，仲會根據我哋嘅需求俾啲建議💖。同事都會問我哋希望達到嘅效果係點，仲問我哋有冇reference俾佢哋，都幾貼心。Ocean Wedding令我哋嘅拍攝過程都幾輕鬆，我哋都可以放鬆啲，團隊有時都會指導我哋擺pose。

Ocean Wedding會有媽媽衫租借，因為我媽媽唔係好知道要揀咩衫，同事就有俾啲建議。佢哋仲會因應我哋嘅需求，主動幫手安排其他嘢，呢啲細節我覺得幾加分💯。不過喺衫嘅選擇方面，我覺得較大size嘅衫可以再多啲，坊間一般較大size選擇都唔算多，對我地需要較大size的會有啲唔方便。同埋Ocean Wedding唔會hardsell，而係根據我哋嘅budget同需求去推薦package😚。最終拎到嘅相片唔算多🙏🏻 如果budget許可選擇更長拍攝時間，可能會有更加多精彩嘅畫面。拍攝嘅時候，攝影團隊都配合得幾好👍🏻

當時都有睇過其他公司，但係好多都貴好多，但Ocean Wedding價錢合理，所以我哋就揀咗佢哋Pre wedding同Big day嘅package😆。Ocean Wedding嘅服務幾專業，特別係同事Daisy，佢覆嘢覆得好快，而且非常細心。例如影外景嘅時候，前一日可能會落雨，佢都主動同我哋聯絡，問我哋要唔要改期，真係好貼心。我哋最後就揀咗影樓同中環，因為想要啲香港特色嘅元素🌟，迪欣湖嗰輯就仲未影。

Ocean Wedding攝影團隊方面，Pre wedding嘅攝影師好細心，連一啲細節，例如條裙點拎、手點擺，側身幾多度都會講埋，都好仔細咁指導我哋，我哋覺得都好容易跟😚。攝影師同化妝師之間嘅配合都非常好，一影完相嗰陣，化妝師都會即刻幫我冚返件褸，都好照顧我哋🥰。去到夜晚嘅時候，攝影師見大家都攰，就冇特別再講好多嘢，專注返係影相嗰到！Big Day當日見到攝影團隊都帶曬打燈嘅器材過嚟，感覺好專業💕。團隊同大妗姐，化妝師都配合得好好，我哋都好有信心將啲相交俾Ocean Wedding。佢哋朝頭早就同大妗姐夾時間，夜晚就同司儀夾時間，影大合照嘅時候都好smooth💯。

最滿意嘅地方係因為Ocean Wedding考慮到我哋個情況，佢哋比我哋用喺外國影嘅一輯相整album✨！不過因為Ocean Wedding嘅風格係比較港式影樓風，執相有時會執得太完美，連一啲細緻嘅皺紋都執埋。不過我自己就鍾意自然啲，而Big Day啲相睇咗都覺得好靚！