我初期係FB搵唔同嘅Pre Wedding公司，係㨂佢哋嘅時候，因為價格好相宜，加上Package選擇都好多，處理又幾Flexible，所以我就㨂咗Ocean Wedding。☺️

Ocean Wedding嘅Daisy同我解釋Package嘅時候非常之詳細清晰，佢都會俾好多專業嘅意見我，成個過程好有耐性，而又唔會Hard Sell，前期溝通都好好。佢哋會俾好多意見我哋，仲會問我好多唔同嘅意見，又會應我要求以專業角度幫我哋編排唔同場境同時間，成個過程我都覺得佢哋好細心。❤️

影相當日我就去咗獅子會、赤柱沙灘、碼頭，最後就番咗影樓，當日係由Hero幫我影相，佢本身好有經驗、又專業，因為好多時新人一開頭會好尷尬，又唔知點擺Pose，眼神又唔知應該邊，但係Hero都會好詳細咁解釋🤩，同埋佢都會幫我影咗好多唔同角度嘅相，又會因應唔同嘅場境俾好多唔同嘅道具俾我，令我可以有好多選擇。💕

當日May就幫我跟妝、換衫，仲會拎下道具🎀，佢都好細心，會了解我鍾意嘅髮形，定時問我邊啲Pose會鍾意多啲，再建議攝影影多啲， 最後相嘅效果都好滿意，以自然風為主，因為有部分相係安排咗夜晚影，當時都幾黑，但最後相嘅效果係非常之好，而打嘅燈效果都好靚，唔會話太光，影出嚟感覺好靚🌠 。

我整體覺得佢哋成個團隊都好好，無論售前售後攝影化妝嘅服務都好好👏，令到我成個影相過程都好順利，亦都十分之滿意，其他朋友見完啲相都有讚啲相影得好靚。 🥰因為我Big Day都比較急，但Ocean Wedding 都好快就交到相俾我，但啲作品相同風格比較多，如果有啲相可以調到唔同嘅效果，感覺就會更好。

初期接觸到Ocean Wedding嘅Hero嘅時候，見到佢好熱心， 睇過佢嘅作品都覺得唔錯，我都分享咗鍾意嘅風格，Hero話可以幫我完成，而價錢真係非常平，因為成個Package包車、相簿、一妝一髮同裙，了解完就Join咗Prewedding。本身我都有啲擔心，因為價錢實在太實惠，但最後我睇完原圖嘅效果，真係非常之滿意。💓

係前期溝通嘅時候，我自己都係啲好有明確嘅人，唔太鍾意高樓大廈，想多啲自然風，就㨂咗獅子會樹林風景嘅影相。期間Hero同我溝通過程都好順利，佢經常鼓勵我Send多啲我想嘅效果俾佢參考，前期佢都有提我哋注意事項同想準備嘅道具，道具方面佢哋Studio都有提供俾我哋㨂，亦都可以帶去🎈，我影相當日都就襯好曬所有嘢，仲帶啲自己鍾意嘅小道具。😁

Pre Wedding當日由Hero幫我手影相📸️，佢會教我擺Pose，教我點做會顯得瘦啲，本身我自己就有啲寒背問題，所以期間Hero都一直提我。我覺得Ocean Wedding係好用心嘅團隊，因為好多時候我哋都係經WhatsApp溝通，但當日佢哋係好記得我嘅傾偈內容，我想要乜、鍾意乜，佢哋都會記得曬。😍

我當日就加咗少少錢，所以就有全日嘅化妝師跟妝嘅服務👰🏻‍♀️，本身當日我只換咗兩條裙，但化妝師都有期間幫我轉下唔同造型，化妝師都會拎咗好多髮飾俾我㨂，佢會考慮我嘅情況，有時會遮下個面會靚啲💄，而因為影相嘅地方係郊野公園，因為其他公司特別係我去草地影，好多公司都會話整污糟咗條裙需要清潔費，但Ocean Wedding都唔會有呢個問題。😉