我初期係FB搵到Ocean Wedding，因為價格好相宜，見啲相嘅感覺又唔錯，同時見到啲Comment話性價比好高，所以就決定搵Ocean Wedding影相。😌

我哋主要都係透過Whatsapp溝通，而佢哋都覆得好快，最多都係等1-2粒鐘同事就會覆番我哋，而且態度都好好。 同事解講Package嘅時候都非常之清楚，因為Package都有包化妝同衫，佢哋都有提我哋都需要因應時間提早上嚟影相，流程各方面都好清晰。😎

影相當日化妝師都好好，而攝影師都有教我哋唔同嘅Pose，同埋因為當日拍攝嘅時間有啲晏，所以我兩個小朋友都有啲攰，所以有啲唔係好合作，但係攝影師都好有耐性👍，係第一個景嘅時候，小朋友話唔係好鍾意，佢哋就想影氣景背景先，攝影師都即刻帶我哋到氣球嘅場境影相，仲拎埋啲玩具出嚟氹小朋友，助手佢哋又會係身邊一直引佢哋笑，而其他助手都好有禮貌，態度都好好。🥰

當中有一張嘅全家福，因為小朋友扭計，有時一個笑就一個無表情，一個望東一個望西，當刻攝影師就拎咗幾隻尖叫雞同佢哋玩，最後影咗張我哋都好滿意嘅家庭照，因為事前講解Package時候都講解得好清晰，列明修改嘅範圍同內容，所以整體效果我哋都覺得可以接受。😁

我初期係FB搵唔同嘅Pre Wedding公司，係㨂佢哋嘅時候，因為價格好相宜，加上Package選擇都好多，處理又幾Flexible，所以我就㨂咗Ocean Wedding。☺️

Ocean Wedding嘅Daisy同我解釋Package嘅時候非常之詳細清晰，佢都會俾好多專業嘅意見我，成個過程好有耐性，而又唔會Hard Sell，前期溝通都好好。佢哋會俾好多意見我哋，仲會問我好多唔同嘅意見，又會應我要求以專業角度幫我哋編排唔同場境同時間，成個過程我都覺得佢哋好細心。❤️

影相當日我就去咗獅子會、赤柱沙灘、碼頭，最後就番咗影樓，當日係由Hero幫我影相，佢本身好有經驗、又專業，因為好多時新人一開頭會好尷尬，又唔知點擺Pose，眼神又唔知應該邊，但係Hero都會好詳細咁解釋🤩，同埋佢都會幫我影咗好多唔同角度嘅相，又會因應唔同嘅場境俾好多唔同嘅道具俾我，令我可以有好多選擇。💕

當日May就幫我跟妝、換衫，仲會拎下道具🎀，佢都好細心，會了解我鍾意嘅髮形，定時問我邊啲Pose會鍾意多啲，再建議攝影影多啲， 最後相嘅效果都好滿意，以自然風為主，因為有部分相係安排咗夜晚影，當時都幾黑，但最後相嘅效果係非常之好，而打嘅燈效果都好靚，唔會話太光，影出嚟感覺好靚🌠 。

我整體覺得佢哋成個團隊都好好，無論售前售後攝影化妝嘅服務都好好👏，令到我成個影相過程都好順利，亦都十分之滿意，其他朋友見完啲相都有讚啲相影得好靚。 🥰因為我Big Day都比較急，但Ocean Wedding 都好快就交到相俾我，但啲作品相同風格比較多，如果有啲相可以調到唔同嘅效果，感覺就會更好。