我係行緊婚展既時候搵到呢間既，佢哋既價錢同設計都吸引我。設計方面佢地係行簡約清新D既風格。揀呢間主要係因為佢地用假花既價錢會比其他用真花既公司價錢較低，但係又做到同真花一樣咁靚，真係好真!!👍🏼我既親戚朋友big day個日都話好似真花。我自己都有上淘寶search過D假花黎比較，睇得出佢哋係選材方面都有細心挑選過，同埋假花黎講算係最高級個種。我個日一見到個製成品已經覺得：哇！係我想要既野😍😍😍。接洽既過程中D staffs雖然表面好似好cool，但其實佢地都好nice，負責同我傾既Emily都幾sweet。設計方面我地前前後後都傾過好多次先決定到，但係佢地都好有耐性唔會有咩怨言。我係淺水灣個度擺酒，酒店就要求我一定要用真花去佈置草地，所以我就向呢間公司攞少少意見，即係例如花既顏色，花量等等，雖然我唔係幫襯佢買真花，但係佢哋都好樂意好專業咁答我👏🏼同埋big day個日我想係個Arch度加多D花佢地都肯配合無加我錢，服務真係幾好。😚

我地覺得Romance Wedding 啲設計都靚，同埋佢地價錢都reasonable。我地其實都有啲 ideas，亦都有睇下其他，雖然唔係話比較咗好多間，不過我地最主要係睇第一下approach個下個態度，而當時我覺得同佢地都傾得埋， 所以就決定用佢地。佢地好好，有好多ideas，同埋佢地都會俾唔同建議我地，幾好傾。我地本身諗住個主題都係想要草地個D，佢地都有俾好多ideas, 相呀reference我地去參考，再去睇點樣做出嚟。我覺得佢地都好清楚俾我地知道個package係點樣，亦都無咩限制。有咩要額外收費，有咩會包，都好清楚俾我地知。我覺得佢地D proposal係好好，每一樣野都係好清楚，例如catering會有咩擺設呀全部都會寫得好清楚。結果我訂左個arch, ceremony package同埋catering 加deco。catering 個邊，我地都係揀花花草草。我果個設計其實都好簡單，所以都無咩要佢地改就已經ok。當日我地上到去，佢地都已經裝好哂，都係我地所預期嘅。少少可以做得更好嘅地方係，因為我果個設計應該係無草圖嘅，都只係講左我個要求出嚟，跟住就到個日先見到。我覺得如果婚期前早D主動約我地去傾，一個月前可以提下，instead of我地主動搵佢就更加好。我地整個過程都只係見左兩次。不過見到實物時都真係覺得幾靚！💖