我哋揀S.A. Wedding嘅原因係因為我先生嘅同事之前都係有搵過S.A. Wedding影Pre Wedding，佢哋有向我哋推介呢間公司😁。而且我哋行婚展時，去了S.A. Wedding Booth到查詢，佢哋Sales Yoyo詳細咁介紹佢哋Package👍，個package我同先生都覺得好吸引🥰。其實我哋分別都比較過唔同嘅公司，但我哋覺得Yoyo係最Friendly，講解時超似朋友同我傾偈咁，仲唔會Hard Sell我們，唔會好似其他公司嘅Sales要我們即刻俾錢或chur我哋！例如，Yoyo會同我哋講：「唔急㗎！你先聽啲內容，返去慢慢考慮都得啦！😉」Yoyo真係又親切又細心💗。我哋覺得S.A.Wedding無論係價錢定服務方面，我哋都好滿意💓，所以最後揀咗S.A.Wedding Pre-Wedding Package😁！

Pre Wedding嘅package新娘包咗三套裙，新郎有兩套衫。而我哋同Yoyo開咗一個WhatsApp group，方便約試衫時可以直接喺個group度同Yoyo講😁，Yoyo佢跟得好好👍！ 咁我哋試衫嘅前一日，佢哋會send定一個Google link俾我哋睇吓想揀啲咩衫試😁，我哋只要抄低件衫嘅code，試衫當日佢哋就會準備好俾我哋💯，佢哋同事又好親切咁幫我哋着啲衫，佢哋服務真係好好👍 。同埋我覺得S.A.Wedding嘅職員好有眼光同有經驗💯，即使本身我有自己揀定想試嘅裙款，但唔知點解着出嚟冇想像中嘅感覺，反而係S.A.Wedding嘅職員幫我揀嘅更加合我嘅眼緣😍，所以我最後都有揀佢哋向我推薦嘅衫🥰。上去S.A.Wedding Studio揀咗衫同體驗咗佢哋嘅服務嘅時候，我覺得佢哋真係好好🥰，所以最後無論係我定係我家姐big day都係S.A.Wedding嗰度租哂所有衫🤣。如果S.A. Wedding可以有多啲分店就更加好啦🤣！

我哋化妝師都係S.A. Wedding幫我哋安排，而幫我哋化妝師叫Candy，佢真係好好服務💓同埋好有心機👍，佢當日會先問我哋會着邊幾套婚紗，每化一個妝都會問吓我嘅意見點睇，唔會擅作主張，髮型設計都一律交晒俾佢😆，因為佢會按我嘅衣着轉唔同嘅髮型，轉得快得來，係睇得出唔同嘅髮型係有分別🥰！而且Candy都會好熱心咁幫我哋影相📸，等我返到去都可以俾我屋企人睇吓我影成點🤩。同埋其實我哋影相嗰日都比較凍，影相嘅場地都好空曠，而我又唔可以着外套個喎，Candy本身又係個怕凍嘅人，但係佢都俾埋佢嘅暖包我，好窩心💗。

影相嗰日，無論係攝影定係車程安排，所有事都好順利😄。而影相嗰陣時我嗰兩位攝影師都好識搞氣氛🤩，我男朋友本身性格比較內斂，面對鏡頭唔係好識得整表情，而佢哋比到我哋放鬆嘅氛圍，好似玩住影相咁🤣。而且兩位攝影師都好貼心😍，我哋影相嘅場地要穿過一啲村屋，而我本身又係怕狗嘅，佢哋會行喺我嘅前面幫手同啲村民溝通吓，避免我俾大狗嚇親🥰。不過我最鍾意嘅係喺studio影嘅相，佢入面有三個拱門玻璃，影出嚟嘅效果真係好出眾💯，我都揀咗呢一張相做油畫。而且佢哋做嘢都好快手，我哋好快就收到相簿❤️，S.A. Wedding我哋都好滿意😍！

我未婚妻比較鍾意韓式風格婚攝公司，但由於之前疫情去唔到韓國影相，所以我們主要係想搵韓式婚紗攝影公司，要有埋韓國攝影師🤩。上網比較咗幾間公司，最後都係覺得SA Wedding比較符合我哋嘅要求，而且studio比較靚，所以就join咗一個有韓國攝影師、化妝師同翻譯員嘅package，而且呢個package都有包到禮服🤗。

我哋喺婚展同佢哋接觸嘅時候，覺得SA Wedding服務好好，又唔會hard sale😊，主要係展示返佢哋嘅product俾我哋睇。我哋話想再考慮下先，佢哋都會同我哋講可以慢慢諗再決定👍🏻。我哋之後決定join，佢哋都會再俾多次package價錢同內容比我哋睇，列明嘅內容都好詳細，我覺得咁樣幾好，明碼實價，令我哋好安心❤️。

到揀禮服嘅時候，發現佢哋都有幾多選擇😻，而且款式都好韓風，女裝款式都好靚，而男裝選擇就正常，唔算特別驚豔😂。不過佢哋啲衫着上身都幾舒服，同埋男裝有比較大碼數嘅衫揀，就算有啲位唔合身，佢哋都會幫忙修改一下。最後，我們仲決定搵SA Wedding租埋big day嘅婚紗🥰。

而拍攝嘅過程中，全靠翻譯員嘅清晰表達，令我哋同攝影師嘅溝通都好暢順，攝影師講咩，翻譯員都會即刻同我哋講返👍🏻。同埋，韓國攝影師都識少少廣東話，簡單嘅溝通都係可以，例如「笑」呢啲單字🤣。我覺得同攝影師相處嘅過程都好舒服，又輕鬆，因為攝影師都係一個好識搞笑、搞氣氛嘅人。而我未婚妻就好滿意化妝師幫佢化嘅妝容，滿意到不停自拍。當日，我覺得有一個位好貼心，就係翻譯員會幫我哋用手機影下相，方便我哋未收到相嘅時候，都可以有啲相分享比親戚朋友💯。