其實以Sheraton口嗰個level嚟講，佢啲酒席都算係偏平，不過佢哋嘅裝修相對其他酒店就比較舊。而負責我哋酒席嘅同事Doris Chan真係幾好，大家都知新娘子係比較緊張既，咁即使我keep住4、5日問一次，佢都無問題。 整體黎講我覺得佢食物、燈光、器材都好好。好多朋友都話當晚啲食物好好食，係咪我專登set菜單，但係其實我哋個菜單並唔係最貴嗰啲，只係第二平嗰款，所以佢哋啲食物真係有質素！ 不過當晚都好多part time，我之後發現唔見咗條金鏈，有立即同Doris講返，佢都有幫我搵lost and found，可惜最後都搵唔到。由於佢嗰度無cctv，所以都check唔到係點唔見，唯有當係自己唔小心整跌啦～～

我揀Sheraton主要係因為佢哋啲嘢食好食，我係擺宋廳，佢哋嘅食物係由天寶閤嗰邊負責，只要好食，我唔介意俾多啲。另外，有啲酒店咁啱有好多banquet喺同一晚，酒店會請臨時工，變咗service會差啲，但係Sheraton嘅service係唔錯。同埋我淨係擺10圍，所以都唔係話好多選擇，咁sheraton location又好，所以就揀咗佢。 因為我之前已經喺Bali簽咗紙，返嚟補擺酒都係好似食一餐飯咁樣。當晚嘅質素真係如我期望一樣咁好，同埋賓客feedback都好好。同埋我哋有啲賓客係食素，佢嘅素菜都係好多元化。唯一就係Sheraton始終比較耐歷史，所以個裝修都比較舊，算唔上新淨。Banquet staff好好，跟住新娘嘅assistant都好好，好細心。有時候有啲甩漏佢都即刻幫我補到，飲水又會拎飲筒俾我，都好照顧我。 我結婚當日負責嘅Sales放咗假，就要搵另一個人跟，有少少混亂咗。其實之前service一路都好好，係到當日佢唔喺度所以有啲交接混亂。如果handover可以好少少就更好！