Terence係朋友介紹比我，本身都search過其他店鋪，但發現好多攝影師都會堅持自己果套模式，相反TC Tang就比較用心聽我意見，同埋tailor made特別嘅元素，所以最尾揀左佢哋。 我同佢講過我想係條片加入賓客朋友嘅留言，之後我其實已經唔記得，但佢最尾真係有記住同埋有做到比我，呢個位係有驚喜。而且，其實我之前都做過幾次姊妹，好多時都要配合攝影師做好多野，例如用三四分鐘擺pose只係為咗影一張相。不過，我其實想要自然流露、唔洗擺好完美啲bigday相，因為當日嘅時間其實好趕，唔想浪費無謂嘅時間，而Terence就正正做到我想要嘅野。 當日佢哋成隊crew比到好大信心我，由頭到尾都好有默契同專業。而且有段時間係將軍澳crown plaza嘅草地影相，佢自己私伙出左航拍幫我地影，係additional surprise！ 我feel到佢係呢個career好有熱誠，而唔係為左錢或者工作，我從來未見過一個攝影師去到賓客走哂、朋友醉哂嘅時候都留守到最後一刻，始終大部分人都係完成份內事就會走，而佢連last minute嘅moment都會capture到，真真正正記錄我全個婚禮。

我地搵左Terence影prewedding，同一日confirm埋影bigday。 Terence有催我俾bigday嘅rundown佢地，但我拖到好遲先俾佢。當日佢好準時，keep住有周圍影相，成個過程好順利。而且佢十分主動，因為我地冇大衿姐，所以有時都要靠佢地帶起個氣氛，過程都幾舒服。我有同佢講親戚方面唔好拖咁耐，佢都有盡量配合，因為佢清楚有時親戚會影好多相，所以不時會催下佢地。 去男家係青衣嘅屋企之前，佢見仲有少少時間，就建議兄弟姊妹去海濱影相，果到好寬闊，影出黎個效果好好。 bigday果排咁啱佔中，而我擺酒嘅地方係中環嘅美心大會堂，出面條馬路封哂同擺哂帳篷。我一直都好驚，因為唔可以落車關係，成日都驚會遲到。我地去完男家影相之後去左港大影，落到去中環果陣，其實架車唔可以完全泊係大會堂門口，要行一小段路先過到去。佢話，既然咁難得中環唔同哂樣，不如影下佔中嘅相，見我驚時間夾唔到又特登幫我問化妝師個進度點，影完之後返去都仲有時間淨，呢方面佢係做得好細心，而我亦影到啲特別嘅相。之後我地兄弟姊妹一齊玩，佢有過黎教我地點影一啲得意效果嘅相，幾friendly。 果日同佢冇金錢交易，係之後收到相再過數俾佢地，可能佢見我prewedding準時，所以都唔需要當日俾。另外，起初佢淨係話俾softcopy，但最後俾多左本相簿俾我地，呢方面又係做得好好。