我地覺得美麗華地點響尖沙咀，幾就腳，而且場地最近先裝修完，新設計定位都幾好又唔錯。 銷售方面，Sales銷售態度都唔錯，不過唔知係咪公司有指引同限制，係傾既過程中我地覺得Sales都唔太願意去送額外其他野，例如其他場地會送下免費泊車之類，佢地就無送到。 我地有用埋佢地嘅decoration，backdrop都有好多響度比我地選擇。不過價錢上如果佢地可以再親民啲就更好，因為本身佢地個價錢都相對其他較貴，如果價錢可以平番啲，就更加吸引去用佢地嘅場地佈置，由佢地一次過做哂，唔會有誘因去揀出面嗰啲。我覺得唔少新人都會希望可以簡單啲，唔使再自己出去搵其他佈置，所以若果佢嘅價錢更吸引就更理想。 我地當晚個婚宴整體都順利，美麗華既安排都唔錯。 值得一讚既係，佢地除左會幫我地打包婚宴上既食物之外，仲會將食物先行翻熱後再送到我地間房，令到我地之後都食到熱食，呢個位令我地都幾驚喜同幾開心！

因為我要比較多圍數，The Mira最吸引我既就係場地夠大同埋個L 形既場地。我鐘意佢嘅L形場地可以幫我分開吓啲賓客，一邊係外父啲朋友，一邊係我太太嘅朋友，同埋我個婚禮入面有D 藝人出席，L形既場地可以幫手分開佢地，感覺較好。仲有公司都係Mira搞過annual dinner，食過D 野覺得幾好食，所以就揀返Mira。我自己就冇處理過婚前接洽，因為我一黎就搵同事幫我搵左個marketing 既同事用電話直接查詢。so far 都幾好傾，佢地答問題或者回應我既問題時態度都唔錯。 當日佢地有個同事跟住我老婆，個位同事好貼心。有位樓面經理，好似叫呀jack，佢所有野都幫到手同埋跟進得好好，聽返班兄弟講佢都好配合到。當晚我就只係食到好少嘢，聽返黎既feedback啲嘢食都唔差，不過其中一道菜既味道同試菜有小小唔一樣，但都係ok 好食既。另外喺婚禮之前佢地brief 完我，我有提出我既rundown，例如係一開始要播左十分鐘既片先進場，到婚禮當日D staff 都有好好配合。燈光、音樂各方面都做得好好，好配合到。而我雖然掛住招呼朋友同照顧老婆，但都覺得D staff 好配合同接受到我安排既rundown。基本上，所有野都幾好，亦都冇收到親戚朋友既投訴或者不滿，佢地覺得我既婚禮搞得幾好。