我哋係喺淺水灣間酒店擺酒，揀嗰到係因為先生鐘意西式環境，所以都係好快confirm咗。我哋係擺西餐嘅dinner，每位大概$2000，因為酒水要另外計，所以我覺得都比較貴。 當初本身跟嗰位sales有帶我哋睇場，但係嗰位sales好多時候都好難搵，好似我哋有啲婚禮細節同埋一啲調動想搵佢傾都搵佢唔到，之後佢就離開咗交咗俾另一位同事跟，雖然嗰位新同事經驗冇咁多但係會比較著緊，最後都有處理到我哋嘅問題。

我哋係擺cocktail，係lunch嚟嘅，攞場係11點，到3點先交返個場，每一位消費大約$1350。至於揀lunch，係因為我同太太一早就諗定想係日頭擺，因為我哋都係鍾意白天結婚嘅，夜晚去親婚宴都覺得好攰。揀24號擺最主要都係就我太太，雖然始終好多公司都未放得假，所以其實開頭都擔心賓客參加唔到我哋嘅婚禮。不過結果好多朋友都係特登請假嚟睇我哋證婚，真係好開心！ 揀Verandah嘅背後都有一個小故事，因為我太太好鍾意淺水灣，細個佢屋企人都會帶佢去淺水灣family day，係佢嘅童年回憶，加上佢好鍾意海同埋露天既地方，所以就好想返嚟呢到證婚。之前都有compare過其他地方，我哋其實同一日都arrange咗去赤柱嗰間船屋，不過發現嗰到其實都唔夠大。而我哋最主要個requirement都係露天同埋向海，而Verandah就呢幾點都match到，咁就決定confirm佢哋喇。 記得當時嗰位sales同事Jenny真係好細心同好親切，感覺好舒服而一啲都唔hard-sell，咁啱我哋睇場嗰日佢哋擺咗婚宴嘅setup，佢就直程帶埋我哋睇實際嘅場景係點，直程picture番成個畫面俾我哋睇，所以其實好幸運。籌備方面佢都做得好好，例如枱花﹑安排流程rundown 等等，仲有就係之前contract話3點一定要交場，但係其實最後我哋4點先走都okay，都唔會話一夠鐘就趕我哋走。 到咗婚宴當日，就由另一個manager負責，佢都係好好嘅，當日其實甚至由啲server到廚師都好好。場地設計嘅安排就由我太太自己去design，酒店只係提供咗枱花，質素都好好。食物我哋就揀咗buffet，而之前我哋都有試過菜 （試菜費已包埋），後來我哋都加多咗生蠔。宜家諗返食buffet真係要留意聲浪，可能因為個場地都幾應聲，所以當日侍應們收碟都真係收得幾大聲，有少少嘈。 當日賓客都話啲嘢好好食，我哋就覺得佢哋就連一個沙律都好用心做，好好味，整體嚟講佢哋嘅服務同食物都非常好，我哋都好滿意。