我先生好鐘意梁靜茹，佢有首歌叫”Tiffany”，我地用左呢首歌做我地朝拍晚播嘅歌，所以都希望戒指係Tiffany買，於是係尖沙咀1881揀。 我地唔太鐘意個啲話係同款嘅男女戒，但其實兩隻感覺完全唔相似嘅戒指。所以最尾我地揀左對幼款、好似infinity符號咁嘅戒指，男裝係好plain嘅純銀戒，女裝就係上面鑲左碎鑽。成個過程有慢慢試，好順利，亦都即時俾左錢買左。

我覺得Tiffany喺最傳統，最classic最永恆，所以就決定買Tiffany。我揀嘅喺六爪，1.09卡。嗰個女sales話，喺Tiffany買一卡戒指，相信每個女人求婚都會say yes。個女sales直情戴上手問我喺咪好靚⋯⋯ 我一早諗住揀六爪，統粹想再睇下價錢同卡數。因為每間店嘅colour同份數都唔同，我叫佢揀隻最啱啱好嘅俾我。 最深刻嘅喺，埋單價錢咁啱喺我太太出生嘅月份十二萬八，本身仲有另一隻 1.13卡差幾千蚊，但都喺想揀返同我太太生日嘅價錢，加上我喺9月1號生日，所以呢隻戒指其實喺集合咗我同我太太生日，所以都好開心！