Ztage依間黑店惡名昭著，不過依家好似改咗名叫Team One，大家小心中伏！！！我當時去濟州島影pre wedding，室外景去啲好污糟嘅廁所換衫，影相又求其。係化妝師比較滿意（注意：化妝師唔屬於佢哋公司，係另外搵，而且化妝師都比佢哋走咗數）我淨係攞得返啲相，但係相簿、相架咩都冇，比人走曬。佢哋潛曬水，唔會搵到佢哋。有啲新人好似係搵佢哋影big day，真係好陰功，佢哋真心累人累物。 佢哋公司個負責人就係攝影師，佢通常周圍去，公司就留幾個同事幫佢搵生意。佢哋改名做Team One，之後比人起咗底，甚至有人扮新客上去踩場。佢哋就死口唔認，話名都唔同，話係新人認錯，點都唔會退錢㗎啦。真係警世，希望唔會有人再比佢哋呃！

 Ztage Wedding好唔好？簡直垃圾！  Ztage Wedding即而家改左名做ZTAGEBrides Wedding Consultancy，攝影師Ashton Wong影嘅相係垃圾 我2019年尾香港影，拍攝後發現這間公司由影相、選相、執相、取相，整個過程都出現極大問題，令人十分困擾及不愉快，因此不建議選用！而影相到取相竟需時5個月！

1. 拍攝前化妝時間太長，而且超時。香港拍攝原定下午2時開始，此公司約我12點開始化妝，化妝師理應於2時前完成化妝，但當日3時半才完成化妝，超時1.5小時！（12時開始化到3時半），導致錯過了很多拍攝日照的時間。化妝師表示佢新黎，返左工2日。

2. 公司職員執漏衫。拍攝包外借3套服裝，公司職員負責入袋給我們帶上車，但我們拍夜景轉服裝時才發現，所需拍攝的其中一套服裝不在袋內，我們立即致電Ztage Wedding, 但竟連續至少5次電話都冇人聽，最後終於有人接聽，女職員Mindy說要等半小時gogovan送衫，嚴重耽誤了拍攝時間。

3. 大約2星期有相睇，對相片極之失望，同佢Facebook放出來的相係兩回事，天淵之別，完全唔合格。無論角度、光暗、人臉反光都強差人意，原圖唔執相根本唔見得人，不認為是專業攝影。有d還以為是跌左相機影出來，不誇張。有d影左一堆路人入鏡，話p走。人影到蚊滋咁細，合照要選一張滿意放做20R大相都十分困難

4. 拍攝前講明我們要求沙灘的落水相是重點，山長水遠去沙灘影，最後竟然影得3張落水相，請問攝影師盡力未？

5. 打過去投訴及反映意見，要求補影，但此公司以各種理由推搪，態度惡劣。

6. 幾經辛苦夾硬從2百幾張相揀出幾十張執相，職員電話確認新年前會執好相，但限期前冇電郵回覆，亦無職員聯絡過我們，毫無交帶，最後我哋發電郵追佢，佢哋先在過年後發相俾我哋。

7. 執相效果亦好有問題，感覺佢哋冇審視過作品好唔好睇。原圖已經影得差，連執相都唔執好d，人臉執到蠟像咁、天色執到行雷咁，一係執到耶穌光咁。想用原圖放相簿真係好難，成輯相都係靠執相粉飾攝影技術。

8. 由於某兩張相執完後我哋都唔想放相簿，要求換另外兩張，但間野唔肯為果另外兩張執圖，話已經超額執左，叫我哋自己執相再send俾佢！或要我地加錢俾佢執相！跟本成輯相唔執都唔見得人啦！仲好意思唔執...

9. 排版都有問題，感覺上冇審視過作品好唔好睇就出俾客，敷衍了事，結果我哋排埋俾佢！

10. 合約寫明包一隻相片DVD, 領取製成品時竟沒有製作，簡直浪費時間浪費生命，無言 各位考慮緊呢間嘅新人千萬要三思，如果唔想為婚照勞氣激心，建議不要選這間。