原本想係酒店擺酒，因為覺得酒店service應該好D，而之前都有shortlist咗Holiday Inn，但係年尾酒店既minimum charge 真係太貴，同埋九月前後同一個menu可以差成6000蚊！最後都係因為價錢問題放棄咗Holiday Inn～ 最後揀咗呢間，其實我都唔想揀Megabox，好唔就腳。同埋個到個公關小姐既服務態度好差，講野好倔，之後換咗另一個PR幫我跟先好D。不過個場地難得無柱，老爺奶奶都好鍾意。所以我最後都係個到擺咗三十幾圍。 仲有之前明明講咗D枱係一邊男家一邊女家，擺酒個日佢主家席就無擺錯，1號代表男家，2號代表女家，但係後面個D就全部錯曬，變咗男家親戚係前面而女家親戚响晒後面～！好奇怪！好彩我發現個時仲有時間，就要佢哋即時改番。始終Seating plan 明明係佢俾我既，都唔明點解到最後擺number都可以擺錯！ 另外當日我啲姐妹同我講話當日個projector 好差，D畫面好唔清楚，呢點真係有啲可惜。點都好，成個婚宴除咗PR之外其他人都OK，各人態度都幾好，好積極。