我地去婚展見到Bauhinia Wedding，見到佢地個package都算平，同埋我望到佢地有一條婚紗係我喺其他舖嗰度見唔到嘅款式，就吸引咗我埋去睇。嗰條婚紗係膊頭位有個拖尾紗，唔同普通婚紗一件拖尾就算，好特別好少見到，佢地都特登放咗佢喺當眼位。我見佢地嘅衫幾靚，敬酒衫同婚紗都幾好（特別係真係見唔到其他舖有吸引我嗰件），就決定咗租佢地嘅衫。

不過後來我地返到屋企再上網search，就見到好多負面comments，講佢地有好多甩漏，好多嘢無跟到，但係啲comments都係幾年前。可能我地睇完comments都驚，所以好多嘢都會主動問多D，又好好彩無遇到呢個問題。

佢地仲有提供埋化妝、攝影，我覺得佢地個性價比都高。唯一個無咁好嘅地方係佢地個空間未必好大，到我地嗰日去final fit，同一時間有幾pair couples就有D亂。另外就係同埋有D難去夾時間上去試衫，因為跟開我地個staff一星期都係得三四日available，仲要就舖頭時間，變咗約起上嚟就有D困難。但係要特別讚下個化妝師，佢好有耐性，我地係「山竹」掛之前個晚擺酒，佢都好好，留守到我地散席先至走！又會主動幫我媽咪佢地補妝，仲有留守喺度俾下comments，好似半個wedding planner，好好～真係想點名多謝佢！

我係呢到join晒一條龍服務既，又租衫又化妝個Ｄ！除左褂之外，我全部都係呢到租晒，因為褂佢地得龍鳳款，但我係基督徒黎，所以要搵Ｄ係花花款代替。佢地Ｄ婚紗多到我都眼花繚亂，我最後揀左款Elsa款一字膊，有水晶好閃既，其實係個staff幫我揀，一試上去就好中意無再轉。晚裝顏色同款都好多，同埋佢地會keepl住翻新款，我都有keep住轉款，轉到去final fitting個時個2條都係新款黎！而媽咪衫都好多，我奶奶比較細粒，佢地都可以改到件衫啱我奶奶著！Ｄ衫質素overall幾好，不過staff唔算多，比較似自助式自己揀款，無話一個staff會全程跟住！