本身諗住求其喺周大福嗰啲買對戒指，但我老公就話唔好咁求其，所以就嚟咗卡地亞買。 因為我婚禮一年前聽講卡地亞就嚟加價，於是就去咗1881分店。唔知喺咪因為遊客區嘅關係，sales嘅服務唔太好，而且竟然叫我唔好買，要諗清楚啲先，又話冬天同夏天手指個size會唔同，叫我遲啲再嚟試。我諗佢哋都喺想人加咗價之後先買，我直情咁樣問個sales，佢就話：咁你想買嘅話加左價都會買架啦。雖然講得冇錯，但個態度真喺有待改善。 後來因為Element比較少人，而且聽講有個婚戒專區，所以我就去咗呢間分店，而佢哋俾我嘅感覺喺舒服過1881嗰間好多！本身我哋已經揀好咗款，但被佢游說咗買對貴啲嘅，因為佢好不厭其煩俾咗好多款式我哋睇，而且因為真喺靚啲，而且佢又推銷得唔錯，所以就決定由普通款轉咗去白金款。

Cartier嘅服務好殷勤好舒服，我哋去咗Element間鋪，一入到鋪頭就即刻有人遞茶，職員好professional，例如問點解會咁貴，佢會解釋返個size或者clarity點樣令到個價錢上升，由入門開始到到最後個service都十分好。我老公買嘅款好classic，普通銀色，上面有四爪嘅圓形七十分鑽石。