果日我老公好突然就話不如去揀結婚戒指，因為我老公鐘意cartier，於是就去左尖沙咀廣東道嘅cartier。入到去佢俾左幾款我地揀，我揀果款係玫瑰金、普通logo同一粒石，係最basic果款。因為我隻手比較細，所以揀螺絲款就會好「哽」手。我覺得有少少貴，後尾去過睇其他鋪就覺得唔太特別，不過我老公就好鐘意呢個牌子，同埋佢地嘅服務態度都係十分好。

同老公一齊揀，揀同買就响中環，但係拎貨就响尖沙咀。我地睇中既款係Trinity，有三隻色。因為我响中環揀未決定到咩size，於是叫佢地send過去1881俾我試。 我地都唔係一入到去就知道要買呢款，係睇到適合所以揀。有睇個Piaget, 又睇過Van Cleef，但係D款我唔係咁鍾意，而且有一D係朋友已經戴緊，所以我又唔想重複。同埋試過咁多隻，都係Cartier呢隻款比較襯我老公隻手，因為佢隻手比較大，可能呢款個feel比較粗曠D，戴落去手度好睇D。 買既時侯都幾好，我記得中環間店都幾早收，我地睇到佢地要拉閘佢地都冇話要趕我地，咁我覺得佢地都幾細心，度size，拎貨的過程都smooth。$20,000 一對戒指，當然如果如果平d就更好。