本身諗住揀喺周大福買嘅，因為見佢啲廣告賣得幾好。但唔知喺咪尖沙咀區問題，周大福好似比較想做國內客生意。當我我同老公入到間鋪喺冇人理我哋，到我哋開聲講話想要睇龍凰鈪同豬牌先有人招呼我哋。而且佢哋又一直問我哋買嘅數量，想要睇咩重量等等，俾我嘅感覺好似我哋買得多，佢哋個服務先會好，所以我哋就唔太開心，決定再考慮下先。 行多陣見到周生生就入去睇，入到去個感覺冇咁多人，亦好快有人問有咩幫到我哋。問咗我哋想要咩款之後，店員會介紹唔同款，例如啲又輕身又大體嘅款式，或者某啲影相靚嘅款式，亦都好適合我哋。本身我哋都冇諗住咁快就買，但因為冇諗過個服務態度同周大福咁大對比，所以就好快俾錢。 買完之後我哋仲想行街，佢主動話幫我哋keep低啲貨，叫我行完街再返嚟拎，廢事我哋拎住行街咁重。

我老公鐘意買有石嘅戒指，而石嚟講周生生比較好，所以決定喺周生生買。我哋嗰隻款喺左右兩邊有條線凹入去，中間拱起，托住一粒鑽石，算喺簡單款。不過周生生真喺唔算多款揀，真喺為咗石先喺呢到買。