我係呢度買左一套耳環俾媽咪，果套耳環用金、rose gold同銀，三種色，幾特別同埋有modern feel。因為我媽咪覺得好特別同好鐘意，所以就帶我黎睇，我見佢鐘意就話買俾佢，同佢講結婚果日一定要戴。serve我果個係新仔、trainee黎嘅，其實都唔洗點游說我地，因為我地入去已經預左買，雖然都有sell我地其他牌啊鈪果啲，不過個態度都ok。

我係荃新天地嘅分店買左一個頸嘅花牌、一對耳環同三對龍凰鈪。 揀呢間嘅原因係因為款式、價錢同埋當日嘅sales服務都唔錯。佢係女士黎嘅，姓胡嘅，佢知道有咩款式會岩我，有特別揀到我有機會岩嘅款式或者新款嘅俾我。因為我唔會第一次去就買咁多，有分開幾次，所以佢會熟左我鐘意咩款所以就會介紹返我鐘意嘅款俾我。成個過程都好好，唔會好push我買野，所以我先會搵返佢。