呢間款就唔係好多，不過見到我想要嘅就揀咗。 佢地唔係好比啲咩意見～講嘢都幾直接，會問你地想要咩價錢，然後就幫我地搵。我地最終租咗千幾蚊。其實主要都係靠自己揀，自己想要咩顏色等等， 靠佢俾意見你，就唔係好得㗎喇哈哈！

我係上網見到錦發，咁我係租褂后，但係佢好好，會攞哂大五福呀個D出尼俾我compare，睇下邊套會著得靚D，瘦D。我話想要D金銀線靚D，佢又會搵。同埋佢地都俾到D comments，我朋友本身都想租褂后，但係佢就唔建議，因為紅色線比例多D，所以著大五福反而會瘦D，雖然褂后係貴D，但係佢地都係有個句講個句，俾D真心意見。同埋開頭我媽咪話個袖會唔會太長，要改下，佢就話斟茶個陣就會縮咗上去唔好睇，所以長少少係啱，都俾咗好多有用意見。佢地真係會教我點樣著，點樣先靚呀咁樣。