揀呢間原因主要都係款式價錢方面。 佢款式種類係好多，行果時咩款式都有考慮，當時用左好多時間去睇，差唔多間間都行哂同埋試左好多款。因為男同女嘅expectation真係差好遠，當時同老公一齊行，好多時佢鐘意我唔鐘意，或者我鐘意佢唔鐘意，好難有共識。 女人一定鐘意石，但就要考慮個耐用度。因為佢有分白金同K金，我研究左一段時間，白金貴啲，但個耐用度真係長啲，同埋冇咁容易變色，所以其實係值得嘅。加上雖然有石靚，但係有機會甩，所以要問戒指公司個售後服務係點。要問佢包唔包保養、保養點計法、會唔會幫你洗返靚隻戒指、又或者甩左石鑲返粒石要點計。我最後對戒指係冇石嘅，但佢都有售後服務，每隔一段時間可以翻新隻戒指。