因為我地本身識人喺陶苑做，所以就好快決定左係陶苑擺酒，整個溝通接洽過程都好舒服好快。到左Big Day 個日，佢地本身話過會送一個即影即有嘅photo booth俾我地，但係當日就無尼到，於是我就去問吓個經理。嗰時佢先發覺係有包尼個服務，就即刻打俾個攝影師叫佢過尼。打完電話後大概15-20分鐘，攝影師就到左，都算好快咁解決到。雖然係遲左小小開始，但係都好多賓客影到相。食物方面都滿意，賓客們講返都話D野好食。場地都好舒服，因為個場本身擺到30圍，但係我就只係擺左23圍，所以空間都唔算迫，就算set左candy corner, 同photo booth 都仲有空間。

陶源酒家喺朋友介紹，本身仲有搵其他酒店，亦有搵過其他婚宴場地，但因為樓底問題同價錢問題冇揀，之後見陶源個場幾大又正正方方，加上我偏向搵嘢食好味啲嘅場地，於是直接上佢哋個場confirm。去睇場嗰陣，嗰陣咁啱喺佢哋嘅落場時間，但都肯開哂成個場俾我哋睇，又應承開多啲房俾我，所以最尾個場比我預期大，擺咗廿一圍。 前前後後加埋有兩個人負責，一個叫Kaman，一個係Kiko，兩個人服務都好好。我聽朋友講，後面個喇叭唔夠大聲，所以聽得唔太清楚，其他都冇乜意見。 唯一要講嘅喺，幫我做decoration嗰間公司話佢主台個backdrop位個size有啲奇怪，唔係standard個尺吋。後嚟發現陶源本身個backdrop都幾鐘意，橫掂decoration嗰邊都整咗個，所以最尾就兩個backdrop都用哂。陶源個backdrop我哋喺滿意嘅，仲要喺新換俾我哋。