因為我地本身已經諗好想係澳洲影pre wedding，但如果間公司唔係當地有公司，而係派香港攝影師過去影，係澳洲就係犯法，所以我地去到婚展嗰時都係搵啲澳洲度有公司先問價。我地都睇咗幾間其他公司，但某間公司貴過Vivi Bride起碼＄10000！我地見Vivi Bride佢地係澳洲個邊有公司，地點ok咗，同埋價錢都算係平，所以都揀左佢地。佢地booth 嘅staff都ok，但有啲野佢地當時都無講到，係我地後尾問返先知。佢地無同我地講拎相嘅方法，原來係喺台灣個邊print out 跟住再寄返尼香港，而運費係要由我地去俾。後來都係我地影完pre wedding返到黎再問返，佢地先同我地講返係咁安排。 另外，喺婚展度傾個時，因為我地都驚去到揀唔到衫，就有問佢地可唔可以係香港睇同埋揀衫帶去嗰邊影，佢地當時都話ok呀無問題。但係當我地上去睇同揀衫嘅時候，佢地都表現得好唔想我地咁做，不斷話個邊都有尼啲款。結果，我地去到就發現真係得好少款揀..... :( 男裝直情係得兩套西裝，嗰兩套西裝仲要係同款唔同色，完全無得揀！佢地個邊解釋話因為外國人比較高大，所以比較少亞洲人size嘅衫。而女裝都係得好少款揀，我睇左好耐都搵唔到邊套自己真係鍾意，所以最後都只可以勉強咁揀，因為始終要去影相真係焗住要揀。我覺得如果佢地可以兩邊溝通得好啲就會更好，因為香港呢邊啲staff都唔係好清楚個邊有啲咩衫。起碼俾我係香港可以用ipad睇到佢地澳洲個邊有啲咩衫嘅話就更好喇！ 雖然揀衫方面唔係太好，但係當地攝影師就好好，好識攪氣氛，好幫到我地可以自然咁影相。佢地都建議左我地好多地方，不過始終澳洲地方大，車程都長，所以我地只係揀左3個地方去影。有時我地中途見到有啲靚地方，想停低落去影一陣，佢地都好好，會落車幫我地影，唔會話硬性一定要去到指定地點先幫我地影。化妝師都好好，因為我落機之後唔知點解隻眼腫左，佢都會叫我不如飲罐咖啡去下腫先再化妝。個妝都化得好好，唔會俾人覺得我對眼一大一細～同埋我地覺得佢地都好有禮貌，會聽同埋分析我地啲意見。 到我地揀相，佢地始終都係做生意，都會有啲hard sell我地，叫我地買多啲相，但都算可以接受。我地都有同朋友介紹Vivi Bride，因為價錢方面佢地都真係平，同埋啲相出到尼效果都係ok～

我見到佢地啲sample相幾吸引，聽埋個package後都覺得幾好，就揀咗佢地。其實本身我想係香港影，但佢地話差唔多既價錢可以offer到比我地去濟州，我地都覺得ok，所以最後就轉咗去濟州影～佢地態度都唔錯，出發前會提吓我地要帶咩之類。 我地去到濟洲影相嘅時候係春天，原本預計應該會有櫻花，但因為天氣問題所以去到就無晒了....但都好在仲有油菜花～攝影同化妝方面，我地本身以為化妝師攝影師會係韓國人，但係佢地好似係中國上海個啲地方既人黎～～雖然同我地預期唔同，但攝影師化妝師態度唔錯，佢地事先都會問我地想要咩造型之類，都會配合我地。我自己就覺得化妝同頭髮都係set得幾好，因為我本身都係想要啲透明感重啲既韓妝，佢地都做到比我～不過我男朋友就覺得幫佢set個嗰頭有啲老套，如果可以係男仔髮型上落多少少心機就好，不過女仔化妝就無問題既～另外，因為我男朋友唔係太高，所以係佢地個度就唔係好揀到衫，感覺上佢地對男士嘅造型同化妝都可以再做好啲，例如係預備得充足啲，有多啲唔同size嘅禮服可以揀。女仔方面白色婚紗就夠既，但其他色就少咗啲喇～u3000 最後我地揀相係約咗個時間，係個段時間內係任我地揀。佢地都會sell下加相之類，但唔係太hard sell，係可以拒絕的～影出黎既相我覺得係average，正常婚紗相，始終可能係景色唔係特別靚，所以啲相唔係話超級靚，不過係可以接受既範圍內。