本身間公司由有兩個partner一男一女一齊合作開既，係expo就係同嗰位女同事deal多啲既。當時所知係個女仔係負責做Candy bar 啲嘢多啲，而個男仔阿Joe係負責做deco 多啲既。原先就係佢地兩個合作，一個跟candy bar一個跟deco。後來佢地兩個拆咗夥，到後期就由男嗰位負責deco嗰位跟進晒。 拆夥初期都有影響，因為我地呢張單應該係跟邊個呢，跟男定跟女都有啲唔清楚，例如我地後期upgrade咗candy bar同埋table stand上面啲嘢應該搵邊個都唔知。點都好啦，基本上最後係由一間公司換咗去另一間公司，而我地就只係同個男仔溝通而同個女仔就無晒關係喇。 講返初期同個女仔係expo到傾既時候，個女仔俾咗好多優惠我地。到後來拆咗夥同個男仔傾返既時候，個男仔就話根本無可能用個咁平既價錢可以攞到咁多嘢，即係話個女仔over-promise咗一啲嘢係根本唔可以offer到。我睇當時係expo個女仔就做咗sales既角色而個男仔就係做嗰個。到後期發現先知原來俾多咗嘢客人，而應該唔係得我地一單係咁。其實當中我地呢張單轉接都要傾一輪，咁我地都有upgrade過啲嘢，而upgrade咗要加返既錢就做返順返佢想要既合理價錢。即係老實講我地都覺得佢地當初真係收得太平，咁我地都唔介意佢加，但係佢都起碼加得嚟會俾返多啲嘢我地。 起初我對阿Joe係好無信心既，因為搵佢就係會係咁拖住唔覆，但係你等吓都係會有既同埋改到既。我都知佢好忙，有時見到佢成凌晨3點幾覆我。後期出到嚟既效果又好好，exceed expectation！可能佢係一個實幹型，唔係嗰啲好識溝通同埋對客嗰啲人，態度真係可以再改進既。整體嚟講佢出嚟既效果係好既，而我地後期真係有對佢改觀。 其實阿Joe真係强係設計同執行。舉個例，我地當初傾backdrop個stage時係有個摩天輪同埋木馬係中間既。我地當時睇時都覺得無乜所謂。Anyway，到出咗圖未output前我地就俾咗幫我地影on-day photo既Jason Lee睇。Jason睇過就comment話隻木馬同摩天輪放係中間既話，影相時就會遮咗佢地同埋會無咁好睇，不如將摩天輪移開少少而將木馬放旁邊啲。今次真係要多謝Jason係背後發功，幫我地望過令成個出嚟既效果咁好，因為我地經驗唔夠當然就唔為意，而阿Joe可能對客少同埋由designer既立場出發，無在意到當場會點。 婚宴當晚阿Joe都有在場，我有兄弟見到佢好仔細咁檢查啲setup，調吓啲燈光呀，移吓位呀，真係親力親為想為件事好既。總括嚟講覺得只要佢吸收多啲經驗就會做得更好，因為佢做出嚟既水準真係高既。