其實之前去咗觀塘嗰啲舖頭試咗一堆，需然真係好平，但質素真係好差，一啲都唔新淨。後來係網上見到佢地既廣告就㩒佢嚟睇。好啦約時間上去，一試就啱喇。去到既時候就會俾妳睇相俾D款妳揀。講明就話只可以試兩件既，而嗰個女仔其實就好有經驗既，一睇就大概知道乜嘢款襯妳架喇，都會俾D意見suggest妳既。 其實當初決定嗰兩款其實到後期confirm都已經轉晒款架喇。因為佢地真係好好，佢地有新款返咗都會call妳叫妳去試，真係好無所謂俾妳試D新衫既。 佢地主要都係做婚紗同埋晚裝，我就租咗一件婚紗同埋三件晚裝既，最後攞衫既時候quality係好好，價錢真係貴D，但係物有所值既！