Kelvinshot
4.6
最新評語
整體滿意度
4.6
過濾評語:
queeniecmk
5
精選評論
Kelvinshot呢間攝錄公司係我哋用嘅big day攝影師介紹,因為佢一開始就已經講佢要專心影相,於是上佢studio時佢就show咗幾條佢相熟嘅攝錄公司嘅product俾我哋睇。睇完之後我同老公都係鐘情Kelvinshot,就決定咗搵佢。

好多嘢我哋都唔係直接同Kelvinshot嗰邊夾,而係big day攝影…
Kelvinshot呢間攝錄公司係我哋用嘅big day攝影師介紹,因為佢一開始就已經講佢要專心影相,於是上佢studio時佢就show咗幾條佢相熟嘅攝錄公司嘅product俾我哋睇。睇完之後我同老公都係鐘情Kelvinshot,就決定咗搵佢。 好多嘢我哋都唔係直接同Kelvinshot嗰邊夾,而係big day攝影師Johnathan幫我哋去傾。其實中間都同Kelvin有whatsapp過,但好多big day嗰日嘅details都係Johnathan同我哋開完會後幫我哋轉達我哋嘅要求,所以我哋到big day嗰日先係第一次見到Kelvin。嗰日Kelvin同Johnathan佢哋2 team人一齊出現,佢哋都表現得好齊整同專業。而且Kelvin佢俾人感覺都係好friendly同energetic,即使第一次見面都會傾到計。我諗可能本身Kelvin同Johnathan都有合作開,big day嗰日見佢哋都合作得好好,非常smooth,走位或者邊個影先嗰啲都好有默契。我覺得Kelvin佢都有俾好多指引我哋,例如表情要點、望邊個方向、手腳擺位或者係企喺邊度等等,佢都講得好清楚,真係幫咗我哋好多。 到夜晚嗰條片播嗰時真係覺得無得頂!因為之後我哋之前已經講定唔想要好格式化嘅朝拍晚播,想要stylish同獨特啲。我老公亦都特別request想用《一個人咖啡》嘅主題曲做background music,因為係我同我老公第一套一齊睇嘅電影,不過嗰時佢哋都同我哋講國語歌比較難夾,會盡量試。我覺得片段裡面好多感動嘅moment 佢都capture到,除咗新娘新郎之外仲有影低好多親友嘅表情,最尾佢出嗰隻主題曲亦估唔到好夾到。最後整條片我哋都覺得效果好好,好感動。整體嚟講,Kelvin佢哋成條team表現得好輕鬆,但佢哋其實無時無刻都留意緊大家,所以佢哋真係capture咗好多好自然而唔會好公式化嘅片段。我哋覺得佢出嚟嘅product真係好好,超過我哋嘅想像!
BigDay當日攝錄
kimleelm
4.5
精選評論
我係上網搵到Kelvin Shot嘅,見到佢拎過獎,同埋又幾有創意,加上又係基督徒,啱啱結婚冇耐,啲相睇落又幾清新,所以就決定試下。我地用email聯絡,佢嘅response好快。約佢係觀塘嘅mini office見面。佢年紀好細,應該啱啱創業,當時有俾portfolio我地睇,同埋解釋會點樣tone色,我地即日就決定…
我係上網搵到Kelvin Shot嘅,見到佢拎過獎,同埋又幾有創意,加上又係基督徒,啱啱結婚冇耐,啲相睇落又幾清新,所以就決定試下。我地用email聯絡,佢嘅response好快。約佢係觀塘嘅mini office見面。佢年紀好細,應該啱啱創業,當時有俾portfolio我地睇,同埋解釋會點樣tone色,我地即日就決定俾錢。 影當日有兩Photographer兩Video同兩Assistant。我之前做過好多次大妗姐,同過至少十隊攝影師合作過,Kelvin俾我嘅感覺係唔會阻住地球轉,例如係咁叫等一陣,或者叫某啲步驟重複做過。畢竟好多野只可以做一次,所以睇得到佢呢方面好有sense,影出黎效果都好自然。而且因為佢好低調,有時會有種hidden嘅感覺,好舒服咁完成左成個過程。佢地都唔會俾新人壓力,好尊重長輩,又有提我地同雙方家人影相,我地先醒起應該影相。 我地擺酒嘅酒店好暗,但佢影到好靚,一啲問題都冇。而且早拍晚派相果方面會有張卡連埋張相,其實我遲左交file俾佢,仲諗住叫佢求其幫我搵相,但佢叫我盡趕佢點都會幫手做到,最後又真係印到張卡出黎。 呢team人係video方面強過影相,亦係我揀佢地嘅其中一個原因。不過有啲失望嘅係夜晚條片expect有好多surprise嘅位,但最後出到黎就覺得普通,唔太creative,有種流水作業嘅感覺。
BigDay當日攝錄
聯絡資料
kelvinshot@yahoo.com.hk
更多優質選項
攝影
4.8
攝影
4.8
攝影
4.6
攝影
4.3
最新優惠
聯絡商戶