我本身係想搵啲型格啲既style，而到最後臨做決定前我哋係 shortlist 咗 White Gallery 同埋另一間叫 White Production 既公司。佢哋兩間嘅既 style 都係幾似，後來發現原來 KK 以前都係响 White Production 到做過，加上我睇過 KK 啲相覺得真係唔錯，好啱自己想要既 style，所以都係唯有跟 KK 揀咗White Gallery。 喺籌備嘅過程當中KK真係唔話得，因為我哋有一個地方佢係無可能去過既，係一個好秘密，好特別既地方（係高度秘密，而呢個景點我哋係絕對不能公開既！）。Anyway KK 佢為咗個效果要好就用自己時間同咗我先生特登去嗰度行一次！佢目的真係為我哋好，好想知道點先影得好，佢呢份熱既誠態度真係好好，始終真係用咗佢自己時間而我哋都好 appreciate 佢咁為我哋著想。另外當日好深刻就係本來我哋淨係影一日，但可惜天氣唔係太好，佢就話:「我哋分開影﹑影兩日啦，都想妳影得靚啲」。我哋之後嗰日去咗西壩影日落，總共係影咗兩日，兩日都係full day，可以見到KK真係好鍾意影相，亦都係一個完美主義者。 講返我哋嗰個「秘密景點」佢對嗰個景點嘅掌握都好好，可能因為我哋一齊去過一次，一入去就知道應該去邊度影，令到我唔駛咁辛苦。佢都係一個好高要求好執著嘅人，好想做到完美，影嘅時候我哋連飯都唔記得食，但係就係全靠佢呢份執著先有咁高質素嘅product！到揀相嘅時候時間其實都只有一兩個月俾佢，但係佢都做到俾我哋，最後本相簿到手都覺得真係好好。 最後我衷心覺得呢輯相影得好好，連我啲朋友都覺得好特別!

我2014年8月既時候已經去婚展攞資料，嗰時見咗 White Gallery 同其他攝影公司，後尾都係都無落單，始終覺得攞咗啲資料都係返去做多啲 research 好啲，check 真啲comment以免以後會有complaint。記得當時 White Gallery 見完佢地就算唔幫襯都無乜所謂，態度都好好。 我哋後尾都成12月先再搵 KK 瞭解多啲，而因為我哋本身係諗住之後嗰年既10月去影沖繩既，咁KK就幫我哋分析返話其實沖繩既景點變化唔係好多，但係如果可以俾多3/4千蚊就不如考慮去布拉格影仲好，我哋都真係覺得好抵影，因為呢個價錢係包埋衫，始終煩少樣嘢所以就confirm佢喇。 講到包埋衫本身都無咩期望會有咩服務，但係原來 KK 呢一環既準備真係做到好足同好上心！例如有一啲衫係要去金都租既，而KK當時陪我哋一齊揀衫一齊試衫，試試吓唔啱佢會主動話好似啲款麻麻哋襯當地啲景點，不如睇多幾間先啦，咁到後來我哋又去咗另一間係觀塘既舖頭，其實响呢間都算係揀到衫，本身都諗住要嗰幾件，點知 KK 都好老實同我哋講話都唔係最 perfect，就叫我用心諗吓其實我自己最鍾意既款係點樣既，然後我上網搵咗啲近排興既衫同埋send啲相佢睇。點知話俾佢聽之後，佢就話佢會自己跟住我既要求入幾件衫俾我著，所以我今次呢批衫係真係我鍾意既款同埋重點係我係第一手著既，真係好多謝 KK！ 當日攝影好在有呀 KK 帶住，因為我哋本身都係無經驗既，而 KK 係會同我哋慢慢 warm-up，例如開始俾我哋適應個鏡頭呀，點樣擺姿勢同角度會好啲呀，始終我哋都唔係啲影慣相既人，開始總會有啲生硬而好在 KK 都會體察到我哋呢點。。。記得當時有幾個 pose 唔知點擺總之就係點都擺唔到嗰個感覺，當時 KK 語氣好好又都無鬧我哋，只係話轉過另一個擺法就得，真係好有耐性。 特別要提係當時 KK 一路都有 update 住我哋當地天氣係點既，知道攝影當日會多雲而天氣唔係話太好，佢居然建議我哋不如分開兩日拍攝！我哋真係好感謝佢咁 flexible，始終都無 expect 過個攝影師咁無所謂，而佢既回應真係好好，佢話都明白外攝既天氣係會比較難掌握，加上第一日新人好早要起身準備同埋新人平時唔慣面對鏡頭，所以如果情況許可的話都想預鬆少少等輯相好啲。。。呢點真係睇得出 KK 真係好隨和，唔係嗰啲好計較既人。 仲想讚多樣既就係我哋返嚟香港本身都好多行李，咁我哋都膽粗粗問吓 KK 佢地會唔會有空位可以幫我哋攞返部分啲衫返去，其實都真係想係咁問吓博吓得唔得，都知佢哋器材都多會有難處，但係真係好開心 KK 又真係肯幫我哋攞返幾件衫返去！ 都未讚完，其實我哋晚宴想有一段3份鐘左右既片可以一路投射出嚟 loop 住做個 background, 其實自己都試咗做一條，但係去到場地試器材既時候居然播到條片起晒格！咁嗰陣好急啦，因為之後嗰晚我就 Bigday 喇，咁我哋打去俾 KK 求救，當時知道佢擺緊婚展，佢都話唔敢 promise 我哋，只係話試試睇吓抽唔抽到時間出嚟整，始終真係太多嘢做驚俾唔到我哋。其實我哋都明既，所以收線嗰時都預咗無架喇。Anyway，隔一日居然真係就收到 KK 條片，原來佢真係趕咗俾我哋! 嗰時又發覺當中有一隻歌好似唔係咁啱，我哋就又打俾佢拜託佢可唔可以轉埋首歌呀，記得當時佢已經响婚展嗰到擺緊攤位，KK 都真係體諒我哋新人想十全十美，响15分鐘之內改咗隻歌趕條新片俾我，佢真係好好！！ 其實 KK 真係一個用心為新人好既攝影師，因為都見好多人讚佢，不單止相好靚，就算一啲唔關佢事,而同埋當妳好急既時候佢都會體諒同幫妳，真心感謝佢。