認識KK真係好巧合，因為當時係我阿嫂結婚，而我同我先生當時就係做佢哋既兄弟姊妹。我哋當時留意到KK做嘢好認真，同其他同事teamwork又好好，咁我哋就叫我哋大嫂介紹啦，佢當時介紹自己係話自己係屬於 White Production 既攝影師。咁後期我哋真係上咗去White Production，但係就知道咗話 KK 已經唔响嗰到做，咁我哋就問返大嫂佢係邊啦，原來大嫂係同佢好friend，知佢已經轉咗去另一間到做，所以真係好彩大嫂同佢咁friend先搵得返佢～！同KK見面既印象就係佢對自己好有信心，唔會好hardsell，特別提我哋話就算個景係一樣，只要新人唔同影出嚟都會唔同，而佢啲相又真係好啱我哋想要既style，俾我嘅感覺佢就係嗰啲好有藝術氣息嗰種人！：） 因為我鍾意海，所以就特登揀話要去石澳影，而都加埋話想去山頂影。記得當時影完山頂見到有時間剩，咁我哋就提出話去另一個景點影啦（我都唔記得邊到了），但係KK就提醒我哋話嗰度燈光可能唔係咁好，不如影摩天輪啦，後期仲去埋石板街，記得當晚摩天輪既燈光好特別，所以都係一個好好既建議。 好記得攝影當日，啱啱開始影既時候 KK 有少少嚴肅，嗰時我哋都有少少驚，不過影影吓就留意到佢對攝影真係有一份執著，所以覺得佢肯咁緊張先係一件好事，好過有啲人求其影，將我啲缺點表露晒出嚟就唔好啦！而化妝師當日都好take care我，見我凍都會特登拎件褸俾我披一披，見我個妝甩咗又會即刻幫我補返。 揀相KK都好主動，佢會通知我哋話相可以揀啦，咁好啦去揀啦，但係揀既時候，我先生就覺得『絕對冇可能』响千幾張相入面只係揀60張入相簿，咁點都好啦，盡量揀啦。一路係咁揀而真係篩唔走喇，於是KK就同我講話揀唔到淨低啲相可以送埋俾我，而另外仲會幫我加多十幾張相整多本細相簿俾我！佢送嗰啲唔係話大嗰啲 12" x 12"xa0既相簿，係細本嗰啲 7" x 3" ，但係我哋都已經好開心～！ 另外排版方面，佢係會好有故事性咁排俾我既，所以本相簿係好有次序同埋唔會相同相之間轉換得好突兀，執相嘅過程亦都好仔細，我未必諗到嘅嘢佢都會幫我諗埋。 真係想再提佢送俾我哋嗰本相簿，雖然真係只係細細本，但睇得出 KK 真係唔係淨係為生意，而係會為咗客人開心而去做。