我係婚展見完之後覺得佢地Ｄ風格幾啱我就揀左，傾個時係White Gallery既老闆兩夫妻同我地傾，態度超好。 我地outdoor去左西貢同灣仔影，個日化妝師Sophia都化得好貼，我仲搵定佢做Big Day化妝！ 老闆係負責埋影相，佢會教我地擺唔同pose，佢地教得好仔細所以成個流程都好順，無overrrun。 佢地執相執得好自然，無論係背景定手臂位，由於影得太靚所以我都有加錢買多本相簿，如果佢地影相個到多Ｄ相簿款式揀就更加好！！最重要係佢地所有嘢講得出做得到，唔使我催都準時做好所有嘢！值得推介!!

兜左好耐婚展，覺得white gallery sale既手法有Ｄ唔一樣，佢地好多時都聽左我地想點先再比意見，話慢慢諗都得。係落訂之後，佢地都會同我地傾rundown，試婚紗！到真係影個日，就影左四個outdoor，有高街，立法會同獅子會，仲有東壩，由8點開始化妝影到夜晚11點先完！佢地化我個妝化得少少浮，但影出來係ok既，Sophia都好細心又會安慰我叫我唔好咁緊張。到揀相個時佢地都有個同事全程教我揀，揀左5個鐘，後尾我又再上去揀多次先confirm，佢地都唔mind，真係幾好！佢地執個Ｄ相都好，應該係影個時已經幾好，所以佢少少執就得！如果佢地Ｄ婚紗再多Ｄ拖尾同露背款就好啦！！