我真心想多謝White Gallary佢哋團隊咁用心幫我哋影相，因為影完相當日我真係深深感覺到結婚其實由嗰一刻已經開始咗。作為男仔，其實我本身都唔係一個咁感性嘅人，但係呢個布拉格Pre Wedding嘅體驗就令我深深感受到對結婚既一份憧憬，真係好期待婚後嘅生活。 其實去布拉格影相成個人都已經係好relax，而當日化妝師都真係好犀利，明明唔係靚仔靚女，都俾佢化到變咗靚仔靚女！當時喺布拉格啲途人會睇住我哋影相，但係睇睇吓發覺啲人根本都唔係睇緊我哋，係喺度睇攝影師！攝影師真係好似『扭六壬』咁擒高擒低，毫不錫身。當時我覺得啲途人喺度諗，乜影結婚相都要咁訓身落去影嘅咩？佢哋真係好肯去付出！ 另外，想提醒各位男仔唔好嫌煩，因為一個負責任嘅攝影師就會無論如何，你笑得幾僵硬都好，佢都一定會叫你繼續影。其實佢逼你影佢都唔會好 enjoy 嘅，但係當你睇到你哋影完之後，真係滿足到嗰個要求嘅時候，見到一幅幅你自己都覺得靚嘅靚相之後，啊！原來真係值得嘅！老實講，其實佢係咁意叫你影兩張，求其同你講話叫你笑，到後來自己冇張靚相，係！你可以鬧佢，但係到後來上損失嗰個一定會係你自己。所以感謝佢哋不放棄，不斷為我哋好咁教導我哋，衷心感謝！

其實我個喺8度海逸酒店擺酒，而咁啱white gallery係個度搞open day又有折，我自己本身做服務行業，最怕人sell我！佢哋一d都唔hard sell，而且又有折，所以就join咗。 而影相前，佢哋都好細心，有提我影相前要準備d咩帶去。我哋揀咗去左長洲同埋大埔影，因為長洲就係我成長既地方，大埔就係太太長大既地方，另外，都有去尖沙嘴，中環，影下夜景，我地就係一日內搞掂既，雖然辛苦D，但個攝影師仲影到唔肯走架！真係態度好好！雖然佢哋個攝影技巧未必係行內好勁，但態度真係無得彈，值一百分！化妝師又係超好！我太太頭比較大，化妝師就同佢講︰「頭大先好呀！紮髻咪靚囉！」哄得我老婆好開心。 其實尖沙嘴碼頭我地本身都無話想影，但攝影師kk都幫我地影咗好耐，一D脾氣都無，好敬業樂業！我都好滿意照片既質素，佢地幫我地簡咗800幾張相，然後我地再係入面簡60張，但佢都會比返個800既張相我地！唔會叫我地加錢，真係好好！如果可以有埋世界級既攝影技巧就真係滿分喇！ 佢哋服務真係好好，所以之後我都有介紹佢哋俾我D friend！