我地響網上揾到呢間公司，主要靠whatsapp溝通。當我地講出要求之後，職員都會比好多例子我地參考。之後到我地正式揀花球，佢地又會提供一張完整清單比我地去揀花款同顏色，然後就砌一個款色出嚟。跟住仍然可以做些微修改，佢地會砌到你鍾意為止～最終我地揀咗一紮由蝴蝶蘭砌成嘅鮮花花球同埋一個絲花花球。另外，佢地嘅職員亦會拍片比我地可以好立體咁睇哂成個花球成品點樣。攞花前攞花後其實都一直養住啲花，又會提供一個樽比我地養住啲花，仲教埋我地點樣保養，令到花球保持新鮮。