睇呢間舖頸之前，其實我都有睇過其他大牌子嘅，睇過Tiffany比較簡單嘅款式，亦睇過周XX，但始終都揀唔啱款。我太太鐘意幼身少少波浪形嗰啲款，唔鐘意咁粗身，但坊間好多都係粗身，所以先會搵吓其他途徑睇吓會唔會有啲有質量，而個款又有啲新意嘅設計。咁啱嗰排有朋友喺FB share Diamond Store個post出嚟，所以就知道有呢間舖頭。 上去到舖頭，我見到有啲款式係佢哋自己設計，做咗註冊攞咗版權。其中有個係扭時間嘅design我覺得幾好，年月日嗰個幾唔錯嘅，又可以刻自己名，又可以自己轉，我覺得係好似有一個時間見證咁，都幾得意。(唔知係咪我冇好好搜集資料，我喺市面上冇見過) 除咗佢哋自己design嘅款，亦都有其他唔同嘅款式俾我哋揀，好似幼身分界咁，都有好多選擇。服務我哋嗰位係老闆，第一次見佢都覺得幾有禮貌，唔會好push你去買嘢，因為有時我覺得行啲大公司有時都會有啲壓力，但係呢間舖嘅老闆就好有耐性任我哋試。 而我哋揀嘅戒指價錢約$8000，如果其他有牌子嘅可能都要$15000-$16000。我覺得佢哋戒指嘅手工okay，同我睇個sample嘅時候係一樣，唔會有好大出入。另外，個戒指盒都design得好好，好似本書咁，仲刻咗我同我老婆個名，唔係坊間普通啲紅色皮盒。而其實佢哋話個戒指盒係可以根據客人嘅要求而修改。 間舖頭係喺百利上樓，唔係好似一個retail嘅地方。不過入面係好企理，坐低又會供應咖啡俾客人飲，感覺好relax，可以邊睇邊飲。另外，我覺有樣嘢係幾好嘅，就係可以打電話去約時間睇款，而且佢哋係小本經營，時間安排比較有彈性。因為我夜晚又好難就放工時間，所以想約返工前9點幾去睇，雖然呢個時間佢哋未開門，但佢哋都肯就到我！其他大型連鎖店就一定做唔到了。

今日同相公約左兩間樓上舖睇對戒，其實之前都去幾間大舖睇過＞＜不過都比我地預算中貴而且款式都未至於我心心眼。因為如果心心眼超少少＄＄我都會買架哈哈哈。。。 今日第一間睇呢間先，其實入到去個感覺都幾舒服，因為我其實未去過樓上舖睇對戒，都係抱住慳ｄ＄＄的心態^^ 但去到原來都OK多款而且個服務員都好好心機咁講解。其實已經睇中左兩款本身都想ＣＯＮＦＩＲＭ埋，但又約左另一間（其實係想睇下另一間會唔會再平Ｄ）。所以我話再睇下先，個服務員都好ＮＩＣＥ話有需要可以再搵返佢。 第二間因為都係同區，我上到去其實價錢唔係差好遠，有Ｄ仲平少少，但個服務員好ＰＵＳＨ我地話今日決定埋啦，反而搞到我好有壓力最尾我同相公話都係想買返大ＢＲＡＮＤ閃走左＝＿＝＂ 行返去第一間，即係呢間冇咁大壓逼感咁。 最尾我揀左有碎石的款，相公要沒有石，簡簡單單 佢地仲話如果可以就上黎呢度俾個評分佢地，其實因為佢地的服務真係唔錯我先會真係係度留言。期待我同相公的對戒我地ＨＥＡ晒人地Ｄ對戒出黎哈哈～！