NuBra Hong Kong
4.6
香港香港島中環蘭桂坊2號1樓
2892 8616/ 2896 6898
關於 NuBra Hong Kong

唯一正品 貼身貼心
多款經典設計,明星矽膠系列可以與各款婚紗任意搭配,瞬間提升2-3 cup,是新娘在婚禮當天完美展示的保證。

照片
最新評論
整體滿意度
4.6
過濾評語:
rainbow
5
精選評論
服務 / 婚宴日期: 2018.07.28      
由於影pre-wedding同big day都需要著特別嘅內衣,我朋友知我結婚,就推介我用NuBra,因為佢之前用過覺得好好用。另外,我自己都有上網做過research,睇過過NuBra有咩款式同功能。Research中都睇過知道有真假NuBra,而且自己都試過其他類似嘅同種類產品,發覺真係好大分別。我覺得真正Nubra穩陣好多同持久力好好多,又可以清洗完重用,就算洗完貼力都仲好好,但其他嗰啲就唔係咁得,用多1-2次已經好似想甩咁。

嗰日上到舖頭,基本上都係自己睇,佢哋放晒唔同嘅產品出嚟,一目了然。而佢哋嘅店員真係好幫到手,問我想要咩用途,再就住我嘅需要幫我搵到想要嘅貨品。之後佢就幫我手試,試身過程都好smooth,唔會覺得尷尬。我覺得如果只係自己試都未必識得用,所以幫手試呢個過程係真係有需要。因為都好明確知道自己要呢個貨品,所以之後都好快決定買,買咗真係覺得好好用!
閱讀更多
婚紗禮服選購
happybride
5
精選評論
服務 / 婚宴日期: 2018.12.11      
之前有朋友prewedding時試戴過nuBra都覺得好,所以到自己要拍prewedding時就諗住去買嚟用。 雖然樓下喺蘭桂坊比較多人,但上到舖頭裡面就好大好靚,感覺都好舒適。一開始我都係自己睇吓有咩啱先,我覺得佢哋款式都好齊全,幾多選擇,之後我就去搵店員幫手推介一下。佢會問你想要咩效果,會唔會想要低胸或者係好勁嘅事業線,都會好清楚咁問你嘅要求,佢哋都好清楚自己嘅商品邊款會有咩效果。到想試嘅時候會,會有專人同你一齊入試身室幫手試。個試身室都好夠空間,就算2個人喺入面都會好有私人空間感。雖然係有人同我一齊入試身室,但話晒大家都係女仔,我有嘅佢都有嘛,所以都唔會尷尬。同埋其實我覺得有人入去幫手一齊試呢個過程真係好重要,因為反而可以好集中對住塊鏡咁教我點用先做到想要嘅效果。我覺得如果唔係咁仔細咁教我嘅話,未必可以達到最佳效果。

我記得serve我嗰個店員佢介紹商品時真係介紹得好好,佢同我一樣都好瘦,大家都好啱傾。除咗我本身想買嘅wedding用款式,佢就推介咗一款游水都可以用嘅沙灘NuBra,用完著bikini真係可以著得好靚,所以我都買埋。我覺得佢哋好俾到客人啱用嘅意見,而且幫我搵到適用嘅產品。不過如果可以買多啲有優惠就更好喇!

因為個nuBra有幾樣唔同嘅技巧係適合唔同嘅衫,平時都用到,例如著deep V衫時都可以用,可以唔只係prewedding用,所以喺影prewedding前我都已經用過好幾次。不過因為我唔係好識點樣戴先係最啱嘅效果,於是都返過去舖頭幾次請教佢哋。佢哋每次都好有耐心同細心咁教我點戴先啱,仲話無任歡迎我上去再問。

好在有佢哋嘅指導,到影prewedding嗰日自己就處理到了。我著嗰件婚紗係一字膊嘅lace款,所以用NuBra都係走elegant路線就夠晒。我揀嗰條裙好貼身,但即使用咗NuBra之後成個效果都係好自然,成條裙著出嚟都好靚。

雖然NuBra喺同類產品之中價錢係貴,但都真係有質素。我曾經都喺其他內衣店度買過類似嘅商品,但又無人教我點用,效果真係差好遠,所以都只係用過1-2次就無用了。NuBra佢一件商品可以有咁多元化嘅效果係其中一個我好欣賞嘅地方!
閱讀更多
婚紗禮服選購
聯絡資料
2892 8616/ 2896 6898
nubralkf@gmail.com
最新優惠
聯絡商戶