第一次去Be Youth係因為有次我喺教會一個聚會裡面抽中咗一次免費Treatment，於是我就打電話去預約，就算我嗰次係唔使錢，都好易約到，完全無問題！ 佢哋舖頭感覺都乾淨企理同埋舒服，唔似傳統美容院，個feel係young啲，儀器睇落都比較新。Serve我嘅美容師Peggy好nice同好有禮貌，佢首先了解吓我最關心邊樣皮膚嘅狀況，再針對返啱嘅先介紹，唔會覺得hard sell。而且佢係做完免費嗰次之後先同我傾，唔會話唔幫襯就唔幫我做，我覺得佢係真心去了解客人需要同好細心咁幫我做treatment。然後佢知道我就快結婚，都特別介紹咗一個真係好優惠嘅package俾我！我之前喺其他美容院做過treatment，見佢推介我嘅嗰個package嘅價錢係真喺優惠過其他美容院嘅同款treatment。另一方面喺整個treatment過程同流程上都令我感覺好過之前用過嗰間，所以就決定喺Be Youth度join一個package。$6000裡面包咗好多嘢，夾夾埋埋我都上咗去成十幾次。 我之前都去過一啲美容院真係好hard sell，過程勁辛苦！但係喺Be Youth真係唔需要帶住壓力咁去做treatment，可以好輕鬆咁享受個過程，唔使擔心佢會hard sell！而且有一件事我好深印象，就係有次我再去做treatment， Peggy佢見我面青青，就問吓我係咪最近身體唔好，又介紹我可以去買啲補品嚟飲吓補吓血，令我覺得佢唔係只關心我嘅皮膚，而係真係關心我嘅身體狀況。

之前我有幫襯過其他美容公司，但對比上嚟我覺得Be Youth收費合理又唔hard sell，最緊要係覺得真係有效！而且我又識老闆Josephine，始終識嘅人我都會有信心啲。 Be Youth場地雖然唔會好似連鎖嗰啲美容公司咁大，但係上到去都覺得舒服同乾淨，空間感都好夠。而做療程前，美容師就同我做皮膚分析先，再介紹返針對唔同方面有咩適合嘅療程啱我做。佢哋會提吓有咩比較啱你用，但如果你唔想嘅話都唔會再sell。我揀咗個大約$1200一次嘅激光package之後就可以入房開始療程。首先落妝洗面，同埋影相做紀錄，之後就可以做激光。療程之後佢哋會再影多次相，不過都係佢哋公司自己keep record，我無得睇返。雖然啲相自己無得睇，但係做完都感覺到啲皮膚係firm咗同埋膚色勻稱咗。 到宜家為止大約仲有五次未做，但佢哋唔會每次喺度sell我，感覺好好。而且啲時間都唔難約，我通常都係放工時間上去。都係嗰句，真係收費合理又唔hard sell，值得推介！