因為我跟開個美容師Annie過咗BeYouth做，所以就上去呢度做療程，當然我唔使點考慮，一定跟返Annie。上到去佢地嗰度地方裝修都好乾淨企理。銷售方面就由其他同事負責，都okay嘅，唔會話極度hard sell咁，當時我都立即落單喇。 我係光顧咗面部laser嘅十次激光療程，希望可以亮白啲。我做咗七八次，都覺得過程係okay嘅，皮膚亮白啲冇咁暗啞。我都唔係因為結婚先光顧嘅，之前都有做開。我之後都仲join咗個收毛孔嘅，覺得都okay。如果可以提供多啲療程選擇就會更加好喇，坊間都好似好多唔同種類嘅嘢。各位如果想皮膚靚咁去結婚就真係要做密啲，唔可以懶呀，laser就建議三個星期一次，勤力啲做，咁個效果會好啲。

其實我之前幫襯開另一間美容院，後來個職員過咗檔去呢間再介紹俾我。我想皮膚幼滑啲，但有關呢方面嘅美容我都做咗好多年，maintenance比較多。 唔同嘅package加埋我做咗大概五六次，效果都OK嘅顯著嘅，特別係水光鎗，之前係感覺到皮膚底層係乾啲，做完就幾明顯感覺到冇再marn marn緊，朋友都有話係亮白咗。個療程對上妝一定有幫助，整體亮白啲，冇咁暗啞。之後都繼續有光顧佢哋，繼續護理方面，冇咁多集中療程，都有繼續做水光鎗。 雖然佢哋規模比較細，不過環境都幾舒適，而且佢哋冇咩hard sell，好多時都係我問起啲咩佢先推介，都會視乎我嘅需要先推介某一樣嘢，唔會話每次去親都推介。 印象深刻嘅係員工Annie係幫我做laser treatment，做完之後真係明顯覺得係亮白咗乾淨咗，效果比較明顯。佢都會注意你當時塊面部有啲咩額外嘅瑕疵，會幫你執一執，縱使唔係當時個package服務範圍之內佢都會做俾你。例如當時生多咗幾暗蒼，佢就會幫你清一清，因為有時有啲位置自己手勢唔好，唔適合自己清。佢幫你清咗自己都會令成個facial個效果好啲。 如果佢哋可以提供一啲由醫生去做嘅療程就更加好，因為都明白成本會高，醫生唔一定要經常駐場，但起碼可以提供呢個服務。因為我有啲朋友會喜歡由相關嘅皮膚科醫生去做，係做同一樣嘢但佢哋會鍾意由醫生做，會覺得安全一啲。如果佢哋可以提供呢個服務，可以請客人預約返嚟做咁樣。例如一啲比較入侵性嘅服務，好似埋線咁，由醫生做我就會有興趣做，希望佢哋快D有呢方面嘅服務就好喇！