我喺Facebook亂打亂撞搵到Koey，佢唔算多講野，唔會俾人好大壓力，因為我好怕一輪嘴講野嘅人，我覺得做一件事應該專注做，化妝set頭都要專注。佢個人好nice，唔hard sell而且價錢非常合理。 試妝過程中，我feel到佢好細心，會花時間慢慢用好多唔同飾物同你襯，同埋唔會唔耐煩。例如佢會話我左右眼有少少差別，喺邊個位幫我畫左啲咩等我balance啲，由塊面到頭髮邊度疏啲濃啲都留意到，真係一個好細心嘅化妝師。 佢化妝技巧好好，而且亦會留意新娘子有冇爭咁啲乜嘢。另外，佢又會手造啲頭飾，唔似其他現成有咩就俾你。佢會跟你當晚著衫嘅顏色、款色，有時間佢會去造返啱你嘅嘢，啲頭花佢都會去買，你會feel到佢係一個好有passion兼好有heart嘅化妝師，所有嘢都做得好細緻。當日由朝到晚個妝都好貼，當晚好多賓客都話好靚，話我呢個化妝師請得好好，好多人都問佢嘅資料。