因為太太好鍾意車款較為細小，類似古董麵包車嘅orange van，所以我地就搵咗佢地。呢間公司擁有3至4架呢類型嘅車，聯絡佢地嘅時候佢地會確保咗一定有車先接單，承諾度十足。 實物比我地想像中仲靚，車內好靚好四正！因為呢類型車款要keep住個隻復古味道，一定要有熟悉呢隻車款嘅人做，而呢間公司嘅老闆就係嗰個又識整又識揸嘅人，先會保存到咁多部呢款車，仲要保存得咁好！

Bun Fun Van 最特別就係佢全部都係麵包車，好得意，連我地過隧道嗰陣，個姐姐都問可唔可以影相！佢地啲車係比較復古style，沿途燈位個啲時候我地都見到啲人會影相。

其實我地搵租車個陣最驚就係要through個agent，到big day個日如果無車，架車失蹤就真係會好驚，因為之前有朋友真係試過咁！！但係Bun Fun就係個老闆亦都係司機嘅老闆，啲車都係佢嘅，變咗就安全好多，同埋我地都好放心，覺得佢地好有信用。

去到big day當日，個司機好好，好細心咁幫我地佈置埋架車，好有經驗，同埋都會好主動幫手，問我地想要咩位停去影相。我地問佢意見邊度會有D草地可以影下相，佢都好快俾到suggestion我地。當日，其實我地係突然加鐘，因為本身無諗住外影要埋架車，但後尾都加咗，佢地都好好可以配合到，又唔會坐地起價，都係照返之前優惠價咁。當日我都無即時俾錢，但佢都無話係咁催我，好好，我地都好滿意！