呢間係樓上舖嚟嘅，會幫客人Tailor made戒指，揀咗粒石再揀個環。因為老公喺嗰度揀咗求婚戒指，所以我哋上去嗰度揀結婚戒指。佢哋分開有兩邊見客嘅哋方，但係我哋上去嘅時候得我哋一pair，所以都舒適嘅。同埋兩邊有趟門隔開，所以都有privacy。 佢哋服務都好殷勤，個sales姐姐Chloe笑得好甜，令我覺得好冧。我本身諗住揀好幼身嘅款，但係先生又唔係咁鍾意，上到去就把心一橫要睇粗身嘅款，所以我係喺先生粗身款入面揀啱我嘅，因為佢覺得佢手指粗戴幼唔好睇，最後揀嘅款我哋都鍾意。 佢哋本身係sell德國同日本嘅款，我本身係諗住上去睇日本款，點知最終買咗德國。佢呢個鋼係有少少好似磨砂質哋，好特別。我哋仲刻咗字，係免費嘅。隻戒指出嚟好靚，唔刮，舒服嘅。佢嘅戒指盒係有燈照住隻戒指嘅，我覺得好正，所以粒石無論係幾大定幾細都好閃架！我記得落完order到拎到戒指都唔係好耐，效率算幾高！