婚禮當日我搵咗Pixel Hall Productions做攝影，事前同攝影師都有面談。當日有兩個攝影師，一個拍片，一個影相，成條team有五個人。我想婚禮片段拍出嚟係好感動嘅，佢地嘅成果出到嚟都真係能夠令我好滿意同感動！朝早拍好片段，夜晚婚禮上時播出嘅時候，每一位賓客都話條片好好睇。攝影crew全日攝影，完全無托手踭，d相影出嚟效果好好，條片又好好睇，真係辛苦晒佢地一整日，好幫得手！攝影師Isabelle拍出嚟嘅效果影得我好唯美，我好鍾意！同埋我地已經收到佢地send嚟嘅精選相片，好滿意！

Big Day搵邊間攝錄我交咗俾太太決定，佢哋都幾主動同我太太聯絡，又約我哋出黎flow 吓idea可以做咩。我親身去同佢哋開過會，感覺都幾啱傾。 其實宜家個個都玩航拍，嗰朝佢哋都有喺我屋企附近拍咗啲shot，呢部分就無咩特別。我最估唔到嘅係喺我哋斟茶lunch break嘅時候，原來佢有去搵我隻貓拍咗啲嘢。我隻貓打呵欠，啱啱俾佢影到又有放落條片度，成件事又夾到，剪出黎好有電影trailer feel！多謝阿水Water幫我哋做咗條咁靚嘅片，因為我自己都係做開幕後，接觸開呢啲工作，大約知邊度攞景，但我都覺得佢哋啲片真心靚仔！啲相都估唔到咁好，無乜特別位可以俾我挑剔到，好滿意！