我地之前喺朋友嘅婚禮度見到Franklin Koo，覺得佢地成team都好歡樂，就諗住搵佢地，等我地到時唔使咁緊張可以輕鬆D。同埋我地見佢地捕捉新人當日之間嘅細微情感都捕捉得好好，所以都有信心。

我地結婚當日，拍video嗰個叔叔直情係做埋大妗姐。我地開頭book咗2P1V1A，最後佢地出咗2P2V1A！佢地話希望可以幫我地做得更加好。佢地成team人都好互動，見到靜咗就會即刻帶返起個氣氛，好識得帶動成件事去到一個啱嘅氣氛度。同埋佢地好有經驗，好多細節都handle得好好。big day影團體相嗰D位，佢地一早已經分好工，令到成個安排好流暢，喺最快嘅時間內做到。反而我地一開頭個planning係會令人地有D confused，跟佢地嗰個係更加efficient，所以成件事都係好smooth，好開心咁完成到！

我自己本身搵攝影師嘅時候係偏向係搵年輕嘅攝影師，都有D抗拒啲好experienced嘅，因為我怕會悶，同埋覺得大家都後生嘅話溝通上都方便啲。所以我搵到Franklin Koo Photography嗰時見到上網啲comments都係讚佢地唔古板，同埋講野有趣，同我嘅要求幾夾，就約咗個時間出黎見下面。第一次見佢感覺佢都好funny，個氣氛都好開心。我地同franklin傾嘢嘅時候會互相串下，講下笑，同埋大家都好易明大家嘅諗法，都好舒服，所以我就搵咗佢影pre wedding同埋big day。 我地都唔係影慣相嘅人，開頭影相嘅時候都會有啲緊張同堆疆硬，但佢會講下笑，同我地有啲互動，令到成件事係好開心，個氣氛係好好玩咁。影到咁上下，我又會話「唔影喇，攰喇」但佢都會保持佢嘅專業同要求，會話俾你抖五分鐘再黎過。我覺得佢嘅態度係專業得黎又搞得笑，亦都係我接受程度以內，好似朋友咁相處，令到成個影相過程都好好。 啲影出黎嘅效果係有活潑，有唯美又有浪漫。我地初初見面時，我都有同佢地講過我想要趣怪啲嘅感覺，唔係好想要好傳統好浪漫個種，佢都真係影到我想要嘅感覺！而且前後我其實都肥左5－6磅，佢執相執出黎都唔會好假，係啱啱好～ 交相都好準時，整體我地都好滿意！