我係網上啲廣告見到Adele同睇到Bespoke評語，之後就Inbox佢哋。其他公司都已讀不回或者比好少資料，問價錢嘅話就會叫我上去再傾，我自己就好唔鍾意咁樣。 但我一問Adele，佢哋好快比到細節我同埋大概嘅價錢，咁樣我可以比較下價錢🤩。佢哋好有禮貌同友善🥰， 可能因為我問好多嘢，其他公司嘅態度都係奇奇怪怪， 但我feel到Adele冇唔耐煩，仲好詳細咁解答我，所以就覺得佢哋一啲都唔敷衍我，所以就揀咗Adele同埋上去傾細節。

女同事Frances負責serve我哋，佢好friendly😙，我嗰日上去唔係即刻講錢，反而係問我有咩需要先，聽曬我嘅要求，先再介紹佢哋嘅嘢😆。同埋Adele會按實際需要去俾意見，感覺到佢哋真係關心我哋💕。就算我婚禮淨係晏晝搞又唔係好大型，佢哋都冇搵啲同事去敷衍我。試衫嗰陣我試咗好多次，都冇嫌我煩同埋冇叫我快啲落決定，完全比足夠嘅時間我諗。 而且攝影師自己要求幫我同先生影低唔同嘅衫嘅相，再send俾我，然後比我返到屋企慢慢揀，呢個位我覺得好貼心💖。

本身我嘅套餐係攝影加短片，我後尾覺得短片唔係咁有必要，就冇要到短片🤣。攝影師Big Day前一日會影低俾我知佢會帶啲咩去，呢樣係我冇要求嘅， 所以我覺得佢好好🥰。因為我未決定到戴咩耳環，佢就帶咗唔同嘅Set 去，話呢一對可以配呢set。我嗰日係九點化妝，佢就主動講定八點幾就會喺附近食早餐同stand by，叫我哋有咩就搵佢哋，同定我哋講佢哋幾時會嚟到，叫我哋唔洗諗其他嘢。佢嗰日朝早拎咗啲衫過嚟，再去食早餐，我先開始set頭化妝，所以我係連衫都唔洗自己拎， 成個過程真係好安心💗。 事前佢已經好仔細咁同我講結婚係點，有啲咩流程要做，好多嘢佢哋都已經一早同咗我講。Big Day嗰日佢哋甚至連食飯嘅時間都拎嚟同我哋溫成個流程👉🏻👈🏻。

佢同賓客，兄弟姊妹相處都係好好，一啲hard feeling 都冇，同埋唔係用命令嘅語氣俾指示， 所以影出嚟真係好自然💖。 最後出嚟嘅成品都好高質，完全冇相out focus同埋構圖奇奇怪怪，最後出到嚟全部都做到我嘅要求。我覺得最感動係敬茶嗰張相，嗰張相我媽咪都有喊，佢哋都捕捉到啲好靚嘅moment，同埋真係好多謝佢哋好細心💗，好take care我哋呢對新人嘅感受，佢哋真係好完美❤️！

我嘅朋友係Adele嘅化妝師，佢就介紹俾我話呢間公司同我嘅性格都幾夾，所以就揀咗Adele🤣。我自己鍾意啲簡簡單單，影出嚟係自然同舒服嘅作品，之前都有網上睇過Adele嘅作品，覺得佢哋都幾啱我要求。當時係直接上公司，去到就係Rae同我哋傾。佢會聽曬我哋嘅意見，有乜嘢唔識又會教我哋，所以我都好放心將prewedding 同 big day 交比Adele👍🏻，仲喺佢哋度租埋婚紗，同join埋新娘、姊妹妝同埋媽媽嘅妝。Adele嘅婚紗好多款式，全部都好新淨。我試婚紗嗰陣時係夏天，出曬汗咁樣試婚紗，好彩試身室入面有風扇，所以覺得試衫環境都好舒服。

Prewedding 嗰日攝影團隊好好，由於我有寵物攝影，佢哋好有耐心咁樣引寵物去望鏡頭🥰。化妝師Phoebe係最professional，佢跟足我全日，啲衫我唔識著又會幫我。而攝影師Rae人好隨和同做嘢好有效率，同埋安排都比較彈性，本身淨係影兩套衫，我哋帶多咗一套衫去，佢話：「唔緊要呀!我哋影埋佢」。由於我哋好少影相，Rae就好好教埋我哋每一步要點樣做。 另外，我想讚下 Rae 真係好勁。當時喺室內影 prewedding 個陣，我影咗三套衫，影咗好多場景，但我冇諗過一個唔算話好大嘅場地可以影到咁多風格嘅相🥰。而且我最估唔到係第一次同狗仔影相會影到咁靚，Rae會吹口哨引狗仔，一開始仲會摸吓狗仔同佢熟啲先，影相嗰陣會叫佢「望住鏡頭，望住哥哥」咁樣，真係好細心，所以有Adele團隊令我哋真係輕鬆好多，佢哋會安排曬所有嘢，我一啲都唔擔心，而相嘅效果我哋都好滿意！🤩

Big day 嗰日就係Frances帶着我，佢都係超好，幫我解決任何問題，成個過程我係一啲都唔洗操心❤️。Big day嘅schedule好緊湊，Frances會不時提點我，例如幾多點要去邊，又會提我「呢一part仲有好多時間喎，唔洗咁急」，或者會話「呢part仲有10分鐘就完」，佢仲會提點姊妹要做啲咩😃。 雖然我無join佢哋 Wedding planner 服務，但Frances 佢哋咩都做到好足，完全唔介意系各方面都幫我。最令我覺得窩心係拎婚紗嗰個位，佢哋話反正佢哋全日都係嗰度，咁我哋就唔洗特登上去拎衫，佢哋會將婚紗拎埋去酒店比我哋，夜晚佢哋走嗰陣時就喺酒店到拎返套衫走，完全係借同還都唔洗我自己去做，真係勁感動😘。

而prewedding同埋big day嘅攝影團隊都係同一Team人，所以經過Prewedding， big day嗰日我哋就更加熟，而且整個團隊都非常好傾，影相嗰陣時嘅氣氛仲好好，攝影師又會不時活躍下個氣氛😜。由於，我個婚禮係喺沙灘到搞，個場地就咩都冇，我問咗Rae一句有冇油畫架，佢二話不說就借咗一個俾我🥳。 而且喺酒店嘅back drop我唔知點樣擺先叫好，其中一個攝影師都會幫我睇吓同提議擺邊一個位，所以我覺得Adele嘅整體服務都好周到同埋貼心，而我最開心係我自己咩都唔洗諗，可能有啲嘢我講完佢哋就做得到，睇得出Adele團隊好有經驗幫新人去處理結婚上面嘅細節，成個團隊都好幫得手，服務真係非常之好同全面，令到我覺得好安心。連我啲姊妹都話佢哋好周到，好似咩都唔洗諗，咩都唔洗做咁，佢哋都話第日結婚影相都會搵Adele幫手🥰🥰。