佢地係我同事既朋友黎，我同事個陣就介紹咗佢比我，叫我睇下佢地啲相，我見到覺得好有feel，之後上咗佢地studio傾，就覺得ok～～於是我就join咗2P1V既plan，個攝影師叫Walter Wong，佢就主要係影snapshot，捕捉人地喊個啲樣，我就咁睇佢地影既相會睇得出同埋感覺到個對新人個刻既感受，例如佢會影到人地滴眼淚～～Walter好好，會問我地想點影，要咩感覺之類，其實我自己都唔知個日個rundown係點，佢叫我放心，佢會幫我安排。我覺得自己真係幾好彩，初頭我都幾擔心自己會唔上鏡，但佢同隊crew都好好，唔會令你好緊張，佢地會帶動到氣氛，令到我好自然，唔覺佢地係我隔離影緊相。朝早影媽咪同我著掛，個陣Walter就好識帶動氣氛，佢叫我姊妹、媽咪爸爸同我講番說話，令我忍唔住喊，真係無想過一大早就要喊，好難忘。