Once and Forever
4.8
關於Once and Forever

Once and Forever 首席化妝師Vivi具有多年全職專業化妝師經驗,擅長以透薄自然妝感和微調的化妝方法突顯每位新娘子的獨特個人氣質。曾參與微電影/MV/廣告/雜誌/高級品牌時裝騷等化妝工作。近年更專注於零重量零負擔日式美睫,融合新娘化妝當中,令準新娘不用再擔心配戴假眼睫毛時的不舒適感。同時剛於HKLA國際美睫比賽2019傳統日式單根美睫初級組榮獲冠軍。


曾合作之品牌/單位/藝人: Viu TV 微電影, 側田MV, 羅孝勇MV, 迪子MV, LV, Hermes, Nike, 周大福, Kate cosmetic, Speedo, 維他奶廣告, On.cc 專訪, AM730 專欄, MR.RM專欄, 荷里活廣場廣告, PMQ時裝騷, 澳門巴黎人時裝騷, 歐陽妙芝, 2017澳門小姐麥嘉欣, Kolor, Kevinboy, Mr., 新青年理髮廳, B.Gs, 星座少女等等...


我們使用高級化妝品品牌: Bobbi Brown, Burberry, By Terry, Charlotte Tilbury, Chantecaille, Cle de peau, Clinique, Dior, Estee Lauder, Guerlain, Hourglass, La Prairie, Nars, Shiseido, Shu Uemura, Tom Ford等等...


提供本地或海外新娘化妝(Big Day / Prewedding)、姐妹化妝、媽媽化妝、奶奶化妝、男士化妝、親戚化妝等各類型化妝及髮型服務。


*Certifications and Qualifications *

-Certificate in Professional Make up & Image Creation Course (QF Level 2)

-Professional Bridal Makeup Certificate,

-Fashion & Media Makeup Certificate

-Total Image & Creative Makeup Certificate



最新評語
整體滿意度
4.8
過濾評語:
tseyeung3
5
精選評論
一開始係朋友介紹Once and Forever俾我,我睇佢哋嘅圖係化啲自然嘅妝,我個人唔鍾意濃妝,所以就聯絡佢哋試妝啦😆。試妝嘅時候有兩個化妝師喺度,Kit幫我化妝,Vivienne就喺隔離幫我睇。試完個妝我已經覺得好好,但係佢哋比較專業,又力求完美,會討論睇下點樣令到個妝靚啲,嗰陣佢哋覺得眼睫毛可以再好啲,可以用第…

一開始係朋友介紹Once and Forever俾我,我睇佢哋嘅圖係化啲自然嘅妝,我個人唔鍾意濃妝,所以就聯絡佢哋試妝啦😆。試妝嘅時候有兩個化妝師喺度,Kit幫我化妝,Vivienne就喺隔離幫我睇。試完個妝我已經覺得好好,但係佢哋比較專業,又力求完美,會討論睇下點樣令到個妝靚啲,嗰陣佢哋覺得眼睫毛可以再好啲,可以用第二種眼睫毛,最後big day佢哋真係有準備好。連眼睫毛呢啲咁細微嘅嘢佢哋都會留意啲,仲會主動同我講,而唔會驚麻煩而唔講唔做,好努力將件事做得最好。

事前佢哋會問我有無鍾意嘅style,我就搵咗兩三張相俾佢哋,去到佢哋會分析我嘅面型適合咩髮型多啲。我嘅婚宴係小型嘅,所以我淨係會著婚紗,佢哋都會問我嘅婚紗係咩樣,想整個髮型係可以襯返套婚紗,又會提我試妝嘅時候著白色衫會好啲,就會試得個妝出啲。因為我陣間搵化妝師嘅時候比較急,試咗滿意就搵佢哋啦🥳。

我喺上年11月搞咗個小型啲嘅婚宴,今年仲會搞多個,已經book咗Vivienne啦。不過因為11月個期Vivienne唔得閒,所以佢安排咗第二個Make up artist Kit嚟幫我化,化妝前佢會提我好多嘢同準備好多嘢,譬如自己想要咩效果就可以去染髮先,配返副color con可以揀咩色襯返我嘅面型同妝容,好上心啊🥺。佢哋仲有叫我喺big day前一兩日約個時間去佢哋度修眉,雖然我有喺美容院修開眉,但係佢哋擔心個眉型未必會襯個妝容,所以提出可以幫我睇一睇。我後尾先提出可唔可以幫我媽媽同奶奶化埋妝,Kit都好好咁話可以安排下時間,我嗰陣係lunch buffet食完嘢先去做個wedding ceremony,佢就有幫我預咗時間,幫我化完妝之後再幫我媽咪同奶奶化埋👍🏻。

Wedding ceremony嘅時候,因為要戴頭紗紮起頭髮會方便啲影相,Kit就提議喺之後可以放啲頭髮落嚟,因為我個面型係放頭髮會好啲,最後整嘅兩個髮型都有用鮮花做頭飾,比我之前想像中現成嗰啲嘢好好多,超乎我意料啦,真係好靚,好多朋友都有讚🥰。我真係好滿意,所以嚟緊7月會再用佢哋,同時我已經介紹緊佢哋俾其他朋友啦,佢哋嘅價錢可以有咁嘅效果好值得,鍾意自然妝容嘅新人就好適合佢哋啦。

婚禮化妝造型
maggiekk
5
精選評論
我開頭上網見到幾個blog,係介紹啲收費唔貴但係備受好評嘅獨立化妝師,有啲係偏貴嘅,會成隊人嚟化埋啲姐妹妝,但係因為淨係得我、奶奶同繼母三個人要化妝,就唔需要全隊嚟化。

之後我都有搵返啲化妝師嘅Facebook睇返佢哋嘅妝我鍾唔鍾意,有啲可能個妝ok但個頭我唔鍾意,主要係我自己對頭髮造型有啲在意嘅位。搵到我比較滿意嘅…

我開頭上網見到幾個blog,係介紹啲收費唔貴但係備受好評嘅獨立化妝師,有啲係偏貴嘅,會成隊人嚟化埋啲姐妹妝,但係因為淨係得我、奶奶同繼母三個人要化妝,就唔需要全隊嚟化。

之後我都有搵返啲化妝師嘅Facebook睇返佢哋嘅妝我鍾唔鍾意,有啲可能個妝ok但個頭我唔鍾意,主要係我自己對頭髮造型有啲在意嘅位。搵到我比較滿意嘅化妝師之後我就問價錢,都了解咗成個過程係點,譬如上去試妝係點收費,同big day當日嘅價錢可以點樣有折扣,有啲化妝師可能係試完妝當日commit又可以扣少少錢咁。之後就睇佢知唔知道我想要嘅嘢,原本我想book十二點到五點,但係之後唔想咁麻煩,就索性想book到八點可以補埋妝。其實已經算係佔據咗個化妝師嘅一整日時間,我都明白對人哋嚟講會有啲唔方便,所以就問咗啲化妝師。可能因為我嗰陣擺酒係農曆七月,少啲人擺酒,所以我問嘅化妝師都可以接受我咁嘅時間安排。

Once and Forever嘅價錢好合理,我睇到佢哋set嘅頭係望落去有set過,但係唔會誇張到晚宴feel咁,我都鍾意自然啲嘅,所以最後就揀咗佢哋啦😆。之後上去佢哋度試妝,佢哋會首先問咗我嘅要求先,再睇埋我著嘅晚裝,因為我係無著婚紗嘅,淨係得一套掛同一條淺紫色有少少似婚紗嘅晚裝。我同佢哋講咗大概之後,佢哋就俾返之前其他客嘅相我睇下如果咁鍾唔鍾意。因為當晚有泰國人嘉賓,佢哋會比較濃妝,我唔咁濃好似唔得體,但係我又自己唔鍾意,所以就問佢哋點樣可以權宜地做到樣樣嘢都ok呢,佢哋真係好俾心機幫我諗咗幾個方案,好尊重我嘅意見😇。

最尾試咗個妝老實講係好淡嘅,我平時自己都係畫眼線同畫眉,都發現佢哋嘅眼線係比我自己畫嘅仲少,但係覺得去到當日應該會再視乎情況隆重啲,所以就覺得ok啦。我唔係長住香港,嗰陣要特登訂機票返去試妝試褂嗰啲,時間就好倉促,所以都無貨比三家逐間逐間去試,過到自己嗰關就ok啦。我哋搞咗兩場婚禮,但係接新娘環節係泰國先有,所以喺香港就係五點鐘斟茶,之後就開始晚宴。我哋想有幾個鐘可以影相,就叫咗攝影師三點到,所以希望Once and Forever佢哋大約十二點到,幫我哋做晒成個造型。雖然佢哋唔係全日嘅服務,但係都stay到八點幾,幫我最後一轉補埋妝先走,安排得好彈性👍🏻。

當日有一個女化妝師Vivienne同一個男化妝師Kitson,Vivienne就係幫我試妝嗰位,好有禮貌,當日嘅態度好謹慎,幫我黐眼睫毛係完全唔痛唔難受,好熟手,兩位都好夾。因為我先生有病在身,之前中過風,所以當日係好辛苦,成日都係要挨嘅。我好擔心佢,就有同化妝師講我好大壓力,大壓力到要喊咁。佢哋嗰陣聽到都驚,話呢個新娘咁大壓力,之後big day先知原來我係咁隨和,因為我最在意唔係啲細節,而係我先生身體o唔ok😣。最後好彩都順利進行到,因為兩位化妝師打點好一切,好周到,問咗我哋想要點之後就可以即刻做到,唔需要搞咁多嘢,全程嘅mood都好好。

嗰日會出去外影嘅時候好熱,我先生都比較怕熱,化妝師見到咁都會盡可能去幫手,幫我哋抹汗拎嘢仲去買埋水,雖然呢啲嘢化妝師可能都會做,但係佢哋真係做得比平常人多好多,好唔話得🥺。去到最後,我唔記得同我啲女仔朋友講要點樣著我條晚裝裙,係自己著唔到嘅,啲朋友諗住幫我都唔識幫。但係Vivienne佢哋對晚裝呢啲好多經驗,一個人就幫我搞掂,呢啲嘢真係好印象深刻。佢都好似變咗我嘅一個姐妹咁,同我嘅朋友有傾有講,好似大家一齊出去玩咁,好慶幸當日有佢哋喺度啊🥰。

我哋好滿意所有嘢,因為開頭講咗我想要啲咩唔想要啲咩,譬如話我唔習慣見唔到自己眼肚,就問佢哋可唔可以幫我打扁啲個臥蠶位,佢哋已經即刻做到,真係100分,已經無嘢可以挑剔到佢哋,咁樣嘅情況底下無咗佢哋係差好遠。連酒樓嗰邊嘅人都唔見咗幾次,都係要佢哋幫我去嗌好多次,已經做咗好多extra嘅嘢,所以最後我哋好開心封咗double嘅利是佢哋。最後嘅妝同試妝嗰陣有啲唔同嘅,因為佢哋都跟我意見再改咗,其他朋友話我嘅妝係似返我,唔會變咗另一個人咁,同埋好重要嘅一點係Vivienne留意到我有大細眼,已經即刻幫我改善到,化出嚟嘅妝會令我睇落靚啲😙,但係我喺泰國婚禮嘅化妝師就算知我有大細眼都改善唔到,最後影相全部都會睇得出。大家都讚化妝師好好,問我用咗幾錢,我話俾佢哋聽之後佢哋都話好平,有無搞錯,成件事嚟講真係超值啊🥳。

婚禮化妝造型
更多優質選項
攝影
4.8
攝影
4
攝影
4.6
攝影
4.2
攝影
4
攝影
4.6
攝影
0
攝影
4.4
攝影
4.6
攝影
4.3
攝影
4.8
攝影
4.8
攝影
4.8
攝影
3.9
婚紗禮服/媽媽衫
4.7
婚禮化妝造型
0
最新優惠
聯絡商戶