Smokey Ice
4.5
香港新界元朗又新街又一新城1樓026鋪
5119 2482
關於Smokey Ice

SMOKEY ICE於2015年成立, 由創意雪糕甜品, 咖啡店, 美式小食, 到今天活動到會.
SMOKEY ICE一直專注本地創意產業, 並將本地雪糕甜品加入更多創意元素, 例如:《雪糕牛扒》, 《好似系腸粉》, 《噴煙雪糕杯》,《雪糕吉列豬扒》等...

現在...
SMOKEY ICE更開發到會服務在各大小型活動中, 用雪糕為大家製造難忘時刻, 除了有意想不到的口味外, 還有精美設計的噴煙雪糕杯及裝飾, 令賓客驚嘆回味!!!

其他...爆谷到會, MOCKTAIL特飲到會, 手工啤酒...只想將EVERY MOMENT變得更開心難忘.

最新優惠
Smokey Ice仙氣噴煙雪糕,將每個時刻變得更開心難忘 @ Bespoke Wedding 婚享會
Mocktail Corner @ Bespoke Wedding 婚享會
仙氣噴煙雪糕Corner - 室內 @ Bespoke Wedding 婚享會
仙氣噴煙雪糕Corner - 戶外 @ Bespoke Wedding 婚享會

SMOKEY ICE已開發到會服務在各大小型活動中, 用雪糕為大家製造難忘時刻, 除了有意想不到的口味外, 還有精美設計的噴煙雪糕杯及裝飾, 令賓客驚嘆回味!!! 更有其他...爆谷到會, MOCKTAIL特飲到會, 手工啤酒...只想將每個時刻變得更開心難忘。

現時預先透過婚享會Bespoke Wedding登記,可將一次性訂金總數以$5=1里的優惠換取「亞洲萬里通」里數!

查看更多 >
套餐詳情
噴煙雪糕CORNER
Candy / 食品 Corner
HK$ 4800
EXTRA SERVICE
Candy / 食品 Corner
HK$ 500
CANDY/POPCORN CORNER
證婚場地
HK$ 1200
手工啤酒連印刷服務
Candy / 食品 Corner
HK$ 720
最新評論
整體滿意度
4.5
過濾評語:
DonnaTam
4.5
精選評論
服務 / 婚宴日期: 2018.09.25      
我地本身覺得啲婚宴好多時都係放candy corner,真係好普通,就唔太中意。咁啱嗰時上網就見到有Smokey Ice promotion嘅廣告就覺得幾特別!睇到佢地啲短片,真係覺得好靚,果個噴煙效果好靚,唔係普遍都會見到,我地都好中意。我地個婚禮又喺夏天,食雪糕就岩哂,而且啲小朋友又一定啱食,所以就聯絡佢地。

佢地都好nice,會好清楚咁講解個啲收費同埋有咩plan之類,唔會串,態度都好好~ 不過始終係宴客,我先生都話靚還靚,最緊要係啲雪糕好唔好食。我見佢元朗間舖唔係日日開,而咁啱個排又係啲優惠,就叫左我家姐幫我去試食吓先。我家姐試食完都話ok,質感似係日本個啲雪糕,我地就決定親自再去搵佢地落單,揀味道~

佢地口味都好多,雖然某啲都要加錢,但係食落真係好似我地係日本食過個種口感。我地個package包咗四種味,但真係好難取捨!因為真係款款都好好味~本身都想要咖啡,但又驚唔飲開個啲人會好唔中意… 豆腐都好好!… 可惜真係唔可以揀咁多種味~最後就揀左荔枝同朱古力味,朱古力嗰款個味真係好濃。另外我地加錢要咗波子汽水味,雖然要加錢,但我地都覺得係物超所值!食落真係同我地係日本食個陣一樣咁好味!同埋佢地係有自己廠房,啲雪糕全部自己整,所以佢地會係日本訂啲時令水果返黎整,有啲口味仲有鮮果肉,雪糕嘅質感真係好好。佢地啲雪糕每一杯仲會有枝旗仔,可以係佢地個logo或者我地自訂,我地都有加錢整返我地個logo。

當日出到黎個效果都好好~初頭個plan係供應三個鐘雪糕,我地都有加錢,所以當晚6-11pm都一直會有雪糕,等啲客人一路都可以去攞雪糕食。我地喺台上面影相,見到最高峰時期有成30幾個人係度排隊攞雪糕!當時就算好多人,大家都係貼牆企係走廊度等,都無混亂~大家都話真係好少見到呢啲雪糕,喺婚宴裡面就更加少見,所以都好受歡迎!我一早喺張帖度都有印到佢地logo,叫大家到時記住去食,係任食~後尾聽返有人食左成6杯,真係差唔多每食一個菜就去食一杯XD 大家都話個個味都好食,特別係波子汽水味。連我媽咪本來係唔食雪糕嘅,嗰晚都食左兩杯。大家都食得好開心,整體comments都真係好好,我地覺得真係回到本! 閱讀更多
場地佈置
christywu1012
4.5
精選評論
服務 / 婚宴日期: 2018.08.05      
我地本身識得負責人,見佢地啲雪糕有出煙效果好特別,覺得如果放係我地婚禮度會令到個氣氛好好,就問佢地攞咗咭片。而且我地係8月結婚,夏天咁熱都好適合食雪糕!

我地之後去咗佢地舖頭度試味,我老公係好中意食雪糕,試食過Smokey Ice啲雪糕都覺得好好味同埋質地好好,似意大利雪糕texture比較黏啲,所以我地相信啲賓客都會鍾意食~我地都特別鐘意豆腐味,真係好好味!
佢地態度都好好,好用心咁幫我地設計,亦會俾啲意見我地應該揀咩味道,或者係提議旗仔同枱布顏色或者係杯雪糕嘅外觀上各樣野點樣配搭會最靚。因為我老公中意打mon hunt,我地就想啲設計有果兩隻貓,一黑一黃做主題。我地搵左啲圖俾佢地睇我地想要啲咩,佢地再去搵資料同再設計,中間都有好多次改動,但佢地態度都好好,出黎嘅效果我地都滿意。

我地join果個係無限plan,有4隻味無限量供應。到big day 當日,我地加多咗小小錢要埋個candy corner,個個都讚candy corner好靚,feedback都好好。啲雪糕個個都讚好好味,同埋真係大人細路都好開心,個氣氛好好!賓客feedback都話啲雪糕好吸引,而且排隊都好順利無問題。不過係價錢上可能對於一般人尼講就有啲貴,因為結婚已經好大使費,呢樣又唔係必須嘅野,而且唔少味道要再額外加錢先可以揀。但係整體黎講我地都好滿意,佢地連老闆都會尼埋幫手睇場,保持住個質素~之後我係教會辦愛筵都有再訂佢地,真係個個都好開心! 閱讀更多
場地佈置
最新優惠
聯絡商戶