係17年我朋友婚禮我就幫手做姊妹，佢就有㨂到The Granduar of Music做表演，我當日見到覺得幾好，同埋嗰陣有同佢哋接觸，見到佢哋都好專業，當日我男朋友都有Join到個Wedding（依家係老公），我哋兩個都覺得當時嘅經驗唔錯，所以我哋婚禮上都搵咗佢哋幫手。😃

本身我對樂器一竅不通，而老公就鍾意婚禮有Live Band表演環節，因為之前嘅接觸我就搵咗The Granduar of Music嘅Brian了解細節。因為我婚宴場地就㨂咗海洋公園嘅萬豪酒店，因為個場比較新，無乜例子俾點佈置同樂器Setting，係傾嘅過程，我就俾咗酒店Floor Plan佢，Brian就已經好清晰嘅將佈局話番俾我哋聽。🥰

Big Day當日Brian亦都有提早好多幫我哋睇個場到底係點，當日佢哋都好早就Set曬所有嘢，Ready好等我哋。 同埋溝通安排嘅時間係疫情期間，可能同Brian見面嘅機會其實未必咁多，但佢都會一直Keep住同我Contact，了解我哋嘅情況。

Big Day前夕就會安排個會，同我哋講番所有細節同安排，俾我感覺就係好安心，完全唔需要擔心佢哋當日嘅安排，甚至唔關佢哋表演部分，Brian都會俾好多嘅意見我哋，幫我哋Go through整個Rundown，佢哋仲會自動自覺同MC夾幾時出場等等，呢啲部分都Show到佢哋團隊嘅細心同專業。😍 係song list安排方案，Brian都會按我嘅要求，將我鍾意嘅音樂同歌手嘅歌加入去表演環節，而表演以外嘅時間，Brian都會幫我去編排其他嘅歌嘅播放。😌

Big Day當日因為疫情酒店只係俾咗好少時間我哋準備，所以都無乜時間做Resheral嘅動作，但係Brian佢哋團隊真係應變能力好快，我哋都好欣賞佢哋💗，而其他賓客都好鍾意佢地，成個氣氛會Upgrade咗咁，連我朋友係後期婚禮都搵到咗佢哋去自己嘅婚禮入做幫手表演。🤠

Brian佢哋由SetUp到完場執嘢都完全係自動波，因為婚禮上可能多個節目，咁人手安排上都要多樣嘢去照顧，但係Brain佢哋嘅團隊係完全唔洗擔心，所有嘢都好自動又順利咁完成。😎

因為朋友介紹就接觸到The Grandeur of Music，本身我無搵Live Band嘅打算，但因為睇完場再加自己wedding都大，因為好難搵個我同先生都鍾意嘅歌手，而我同先生都唔想搵唔同人唱歌，但同The Grandeur of Music了解之後，我哋兩個都覺得幾好，所以就㨂咗純樂器表演。❤️

一開頭我未搵律師前，已經同Brian見面，佢同我講解嘅時候都好清晰，除咗Band Show以外，佢都有同我傾有乜哋方需要留意，例如律師可以點樣可以安排好啲，Brian都俾咗好多唔同嘅Information我哋。😃

一開頭我哋都唔知應該㨂乜樂器做表演，而Brian 就幫我哋㨂左豎琴、Saxophone、中提琴同Keyboard，佢同我哋解釋呢幾個樂器嘅組合已經可以彈到好多唔同種類嘅歌。👍🏼係Big Day之前，Brian都有問過我哋比較鍾意邊類型嘅音樂，所以我哋都俾咗心目中List俾佢，Brian都同我哋講都會儘量配合，而佢都有幫我調整過其他歌🎼。

當日酒店無其他Wedding，所以佢哋就同酒店夾會早啲過去Set Up，其實因為Brian本身係拉小提琴，所當日就唔需要上台演出，但當日Brian都會晨早過嚟睇場打點，因為我婚宴場地係東涌，地點都比較遠，而佢專登過嚟會場同我哋傾下最後嘅準備，真係令我哋喜出望外。🏅

當日啲賓客尤其係長輩聽到佢哋嘅表現都好鍾意，因為成場婚禮都比較大，但The Grandeur of Music真帶動到全場嘅氣氛，我先生都覺得Brian佢哋嘅表現真係非常之好， 覺得Live Band嘅表演同純粹播音樂差距真係太大。💫 

最後希望Brian佢哋Marketing方面應該做多少少，因為如果唔係朋友介紹，我又未必接觸到Brian佢哋嘅團隊，因為相比其他Busking Band，Brian佢哋係Social Media嘅Marketing同相關資訊部分就真係比較少。