我幫襯studioak_hk 係香港影pre wedding。staffs既態度認真麻麻。傾既時候都感覺唔錯，但出黎影個然就出現問題。我老公唔鍾意同唔習慣笑，但攝影師就係咁逼佢笑，又用啲唔係幾好既語氣話：喂你結婚喎！同你老婆影相唔笑？唔開心啊？類似呢啲說話，結果令我老公令我更加笑唔出。個攝影師以為自己好幽默，但我地其實唔受落。除左影相，我地攞相既過程都唔太愉快。揀相個陣佢send左啲得幾百k解像度既相俾我，即係一放大就朦到咩都睇唔到。佢仲同我拗：「每個人對朦既定義都唔同」🤯呢句我真係記得好清楚，個下真係燥到唔知點覆🙄點解佢可以完全好似唔理解我地講咩咁🤦🏽最後執完佢都係堅持upload幾百k既相俾我地揀，我地真係揀得好辛苦。執個陣佢都好有要求，堅持要保留自己既風格，有啲位一定唔會執，仲要最多只可以執兩次🤷🏻有啲相佢自己執左做黑白色，我問佢可唔可以睇返原色既相，佢竟然答我：「你係我第一個客人要求睇原圖囉！」我聽到真係眼都凸埋💩我想睇返原圖遮，係咪咁難為你呢？成個溝通過程真係好痛苦！🤦🏽攞相個陣真係灰到，一啲期望都無🤥同埋一開始佢地應承左係相簿空白位置加啲英文書法字句，我好鍾意！但最後竟然唔知咩原因佢取消左.......真係好失望，佢地處理得好差😣

 Pre-wedding我哋一年前同Studio Oak去咗紐西蘭影，事前有同攝影師見面、睇過作品，覺得幾靚! 當時咁啱佢有promotion，比去日本影相只係貴幾千蚊，所以揀咗去紐西蘭影相。整個package除咗影相，佢哋亦有同一間攝錄公司合作，喺紐西蘭會幫我哋拍一條一分幾鐘嘅短片，有background music、snapshot，包埋機票、住宿。攝影師之前有同我哋share過佢嘅諗法，唔一定要去好受歡迎、特定嘅景點影相，佢唔想每一個人影出嚟嘅感覺都差唔多，所以有時揸車路過見到靚嘅風景就會停低影相😌 我哋好認同佢呢個idea，所以當初揀佢。雖然影pre-wedding當日山上落好大雨，但影出嚟嘅效果好靚，唔使加filter都好靚、好自然。後來去湖邊影相，天氣又轉好，所以好似去咗好多地方、好多日影相咁😝唯一有少少問題係等四個月先睇到全部相，一開始佢哋話要等三個月，過咗三個月後要太太追問先有相，但冇大影響，只係我哋心急想睇相！😌 後來Big day攝影都搵返佢哋，價錢合理，冇咩可以挑剔，唔想煩，又唔知揀過第二間好唔好，既然揀咗呢一間係ok嘅，冇大問題所以就搵返佢哋😉 婚禮當日流程好smooth，佢哋有提需要注意咩地方。但可能我哋個backdrop太白，有部分group photo影到好似證件相咁，但又唔係張張相係咁，所以要再執執😂！我哋冇特別要求，相信佢哋嘅專業就交比佢哋去做，出嚟效果好睇！👍🏻