一開頭揀佢哋因為俾佢地嘅價錢吸引左，我地所有溝通都係through email，好似official 啲，同埋大家都可以有哂record。不過佢地只可以係大新銀行入數，同埋落訂期得兩日，希望佢地可以開通ebanking同埋可以俾長啲嘅落訂期就更好。其實覺得佢哋開頭態度都一般，不過後尾我地反而好驚喜。Big Day前一個星期，佢地俾咗個加＄300 upgrade架花車嘅優惠俾我哋。到前一日佢地又會send洗車嘅相黎，等我地安心啲。 去到big day個日，佢地會幫我地影下相，又準備公仔，同埋佢地架車有LED燈，好靚。司機都好好服務，個日我地中途去左海濱公園影相，司機同我哋講佢泊邊到會平啲，中間食lunch，又會話食茶餐廳都可以，幫我地慳錢。跟住又叫我地影完相就call佢地，佢會係附近兜吓，都好好，無俾壓力我哋。後尾我地俾佢地嘅路線錯左，漏左一站，佢地都好好，話俾返＄150就可以即時幫我地安排返接送。整體服務都好細心，D司機都好好。