揀佢地係因為朋友推薦，然後我地上去試過之後又覺得幾啱。我都有做過research，發現呢間舖其實係兩個本地女仔讀完fashion design 開嘅，啲生意一路由細做起到宜家咁大，就想試下支持本土店。我諗出面好多舖嘅衫可能都係外國進口未必啱身型，所以自己上去試完覺得啱就join咗，都無話試好多間。我覺得佢地都跟得好足又可以join咗之後就上去任試 ～～

佢地嗰度嘅款式未必有其他公司咁多，又無外國進口嘅款，所以如果你話你要好specific有啲乜嘢嘅話，就未必有得揀。有時因為未必搵到自己鍾意嘅款，都會有啲失望，不過好彩overall我都搵到自己鐘意嘅。佢地婚紗質素就keep得好新淨，而且佢地仲話有問題嘅衫係唔會拎出嚟！我最後租咗一條婚紗，兩件晚裝同埋幫先生租咗兩套全set嘅西裝。雖然款同size好有限，但價錢相宜。

我地上網睇過好多間，後來見到W Cube覺得佢地啲款都幾特別，而且最特別係啲衫都係佢地自己設計，所以就去試下啲衫啱唔啱自己。 佢地嗰度試衫地方都舒服，個環境都幾好，不過都多booking，所以要試衫都真係要早啲book。衫嘅款都真係好多，同埋啲顏色嘅變化都多，同出面個啲有啲唔同。啲衫全部都係租嘅，但係都keep得好好，啲裙都好新淨。 個度嘅同事都好nice，好好服務，佢地都真係會按住你身形俾啲有建設性嘅recommendations，就住個身型提議返回要著邊種款先靚之類。 除咗啲衫嘅款夠特別，質素都好之外，我覺佢地最好嘅地方係可以無限次去試衫，唔會好似出面個啲計住幾多次試完就要決定。我真係可以試好多，試到真係啱自己為止～！最後我係佢地度租咗婚紗同埋晚裝，我都覺得好靚同好滿意～