我係透過老闆娘嘅老公，亦即係我嘅同事，認識到 Reve Bridal。喺決定租佢哋嘅婚紗同禮服之前，我都有比較過其他公司，去睇咗幾間租婚紗或者禮服嘅地方。比較咗之後，覺得Reve Bridal嘅款式選擇比較多🌟，特別係新娘同奶奶禮服嘅方面，選擇更豐富，同埋佢哋都有提供褂可以租，所以最後決定揀Reve Bridal👍。

第一次去睇衫同試衫嘅時候，Reve Bridal 俾我嘅感覺幾好，啲同事好細心，會詳細解釋整個流程。因為我哋第一次接觸，對好多細節都唔清楚，佢哋解釋得好仔細，包括要準備幾多套衫或者有啲咩需要注意，俾咗我哋好多實用建議。 揀衫嘅過程中，佢哋會先了解我哋嘅喜好，再推薦啲適合嘅款式🥳。而且，Reve Bridal俾咗我哋充足嘅時間慢慢揀，每件衫都可以逐件試清楚，唔會hard sell，亦冇俾我哋壓力，呢點真係令我哋覺得幾舒服💯。

最終，我哋租咗八套衫，包括我同太太嘅中式褂、我嘅行禮西裝、婚紗相禮服、太太嘅敬酒裙，仲有奶奶同姑媽嘅裙。雖然其中一位姑媽覺得條裙有啲緊，但其他都冇問題✔️。 至於男士西裝，Reve Bridal嘅選擇算係足夠，雖然冇女裝咁多款，大概有20套左右，唔算特別多，但款式質素都唔錯，對婚禮嘅需求嚟講係夠用。喺揀中式褂同晚裝嗰一方面，佢哋亦都幫咗我哋好多，我哋都差唔多試曬全部嘅褂🤣。

試衫係採用預約制，呢點我覺得幾好。因為Reve Bridal 好似每個時段只接待一對客人，多數我哋上去嘅時候都淨係得我哋呢一對新人，所以我哋試衫嘅時候完全唔需要擔心揀衫嘅空間😆，而且Reve Bridal 都會俾足夠嘅時間俾我哋慢慢試衫👍。另一樣值得提嘅係佢哋會主動通知我哋攞衫、還衫嘅日子，同埋俾錢嘅安排等等。對於準備婚禮嘅我哋嚟講，呢啲細心提醒真係幫咗唔少忙，減輕咗好多壓力，唔洗自己特登記住啲日子😆。 我就覺得男裝可以增加啲選擇，特別係顏色同款式可以多元化啲，會更加理想✨。

當初我喺網上睇租借結婚禮服資料嘅時候，偶然發現到呢間 Reve Bridal，見到佢哋啲衫都幾靚，於是即刻聯絡佢哋去試衫🥳。Reve Bridal都回覆得好快，就安排咗一個試衫時段俾我。我記得我係星期六去嘅， 就算人流比較多，但佢哋仍然保持高質服務，時間安排好清晰唔混亂，顯得Reve Bridal真係好專業💯。

到咗Reve Bridal之後，真係被款式多到，搞到眼花繚亂！Reve Bridal會先了解我嘅喜好，例如我唔太鍾意粉紅色或過份華麗嘅蓬蓬裙，佢哋就會推薦避開呢啲風格嘅裙俾我，幫我揀其他簡約優雅款式🌟。 Reve Bridal啲款多到真係唔知點樣揀，試衫時，同事全程陪住我，見我猶豫仲會俾啲意見我， 亦都會推薦其他佢哋覺得適合我嘅設計，Reve Bridal嘅建議真係好啱我。有一套我本身覺得普通，但著上身後我發覺居然修身又靚！同事眼光真係好準，好有經驗😍。

試衫嘅過程非常愉快，Reve Bridal對細節好講究，會建議返每套禮服嘅配搭，例如迎賓、婚宴同 戶外拍攝用邊套，呢啲貼心服務令我覺得佢哋唔單止係做租借禮服，都好關心我✨。 唯一小小缺點係佢哋試衫係分上下兩層，婚紗喺上面嗰層，禮服喺下面嗰層， 所以如果試完婚紗，再試禮服嘅話，試衫時要著返便服去另一層再換，略嫌有少少唔方便🥹。