開頭我地都無咩諗法，睇左幾間比較下，覺得Dream's 公司D相、風格都ok，同埋佢地係台灣人，有自己studio，感覺上好似比香港嘅中介好D。咁岩去佢地個booth嘅時候，有個之前已經喺佢地度影過相嘅香港人，佢同我地傾下計，分享下佢地嘅經驗，咁聽完我地覺得ok，就決定試 Dream's😌 租衫唔使自己帶過去，係去到台灣先揀，唔使我地拎黎拎去，方便好多。 佢地服務都幾好，好親切，我地問咩佢地都會答到我地。佢地都會提返我地影之前要點做，例如提我地剪下頭髮，女仔頭髮要染D色先會好睇，又會提我地要帶D咩過去。又會叫我地上網睇相，岩風格嘅都可以去到俾佢地睇，睇下做唔做到我地嘅要求。

我地最後揀左去淡水影，揀衫或者出去影相嗰陣都係好細心咁照顧你，唔會有hard sell感覺。女仔嘅衫款唔算好多，但係大部分都係好合心意，質素都好同埋好易揀到。但係男仔租嗰兩套就普通D，想好睇D嘅話要加錢，如果男裝多D款式就更好 😊 我地影一日，要求左去一D好舊式嘅台灣街道，影D舊式建築物同舖頭，例如賣乾貨、雪條，攝影師都會特登走埋去問一問老闆可唔可以係門口度影。佢地都帶左我地去D賣臭豆腐、蚵仔麵線嗰D排檔到影，幾特別嘅！😌 化妝師都會問我地想要咩，如果無意見，佢地都會比suggestions。我地去到嘅第一日係傾點影，第二日正式影，第三日就係揀相。揀相當日我地好攰，無揀哂所有野，反而係我地返左黎香港之後，先再聯絡Dream's 講返邊到要執，想點樣執，佢地喺Line度好快咁覆我地！👍🏻

本身我地都無咩要求架對於Pre-wedding，純粹入去睇下D價錢呀風格呀各樣野係點，因為自己本身都無咩ideas 😂 Dream's 佢地係好熱情嘅台灣人，聽佢地講解完之後都覺得唔錯喎，諗左一日，第二日就專登去俾埋錢。Dream's 應該係我睇嘅第三間，之前嗰兩間就比較差，所以見到Dream's D相之後都覺得幾ok，同埋佢地D相嘅風格係特別D! 

佢地有provide 好多location俾我地揀，台南呀或者overseas都有，但係我自己concern budget問題，所以最後揀左台北。香港人過去又好方便，又無時差，如果去歐洲，又遠又有時差，可能影出黎個效果無咁靚 🤔 佢地都好nice，成個拍攝過程都係好愉快。佢地講解得好清楚，因為我去嗰個禮拜咁岩台灣成個禮拜都係落雨，佢地都會講解曬plan a plan b會係點，講得好仔細。本身唔想係香港影係因為我想影到多D室外嘅景，好似森林。如果落雨就可能影唔到室外，plan b就會影返室內，但係室內景都係比香港嗰D多D變化。佢地本身有studio係台灣，有曬衫，變左我都唔使自己準備D咩或者係香港帶過去。佢地D衫都ok新淨，夠款去揀，都比較新潮，唔會話好老土，同埋有好多顏色可以選擇 👍🏻

我地去到臨影嗰朝先見到攝影師，佢事前都會brief過我地，有俾清晰instructions我地咁。去到影個刻，佢都係好細心，而化妝師就係我婚展見到嘅同一個人黎。中間俾錢book到最後，隔左成年時間，中間我都無同化妝師聯絡架，但佢地真係好親切！年半之後我再上去，佢地都好好傾，好似朋友咁，態度又ok 😎 中間都有一個同事add 左wechat，有咩問題佢都會好願意解答，好nice。 佢地真係好有效率，我地去到第一日就去揀衫，揀完就已經即刻改衫，非常fit身，第二日就去影，第四日就去攞得相。嗰日傾點樣影嘅時候，我見到佢D相簿，我就好奇問下，有個景好靚喎，有D水花，究竟係落雨呀，定係你地噴水做到呢個效果出黎。佢覺得我應該都幾鍾意呢樣野，到左第二日，佢真係做左呢個效果出黎比我！😌 我覺得佢地真係好有心，我都好深刻，佢真係會記得我講過D咩，同埋出黎個效果係非常好！ 我地第四日已經有fine tune左嘅相，大執嘅我地就未收到，但我地都係好滿意D相，好靚😇 成個過程，我地都好滿意！