我之前其實已經搵Jason Pang Gallery 影過家庭相，嗰次影完之後，我對佢嘅風格同整體感覺都幾滿意，所以到自己準備影婚紗相嘅時候，我就冇諗太多，直接決定搵返 Jason Pang Gallery 幫我哋影。始終之前合作過，會比較有信心，我哋都清楚佢嘅風格都係自己鍾意嗰種。平時聯絡方面，主要都係直接同團隊溝通。老實講，我最重視就係效率同專業， 而呢兩樣佢都做得幾好。無論係安排拍攝流程、時間定地點，佢都安排得好快，唔會拖拖拉拉，亦都會俾到好清晰嘅方向我哋。一開始其實我哋已經一早傾好想去邊啲地方影， 當日個流程、路線點樣行，全部都安排得幾清楚，所以去到拍攝當日，我哋心入面已經有個概念。 拍攝地點方面，我哋去咗soho、中環、跑馬地呢幾個地方。其實跑馬地馬場嗰個位，一開始團隊唔係太贊成，但我哋都有再討論，最後都決定去試下，結果影出嚟個景真係幾靚，效果比預期更好🌟，所以都幾開心。Jason Pang Gallery 唔會一味堅持自己意見，而係會同新人交流，大家一齊討論最適合嘅方案。拍攝過程入面，我覺得團隊最大嘅優點就係Jason真係好識lead住新人去影相。我同我先生其實都唔係啲好習慣對住鏡頭擺 pose 嘅人，一開始都會有少少唔自然。但 Jason 會用攝影師嘅角度，好清楚咁話俾我哋知邊個位影會靚、應該點樣擺pose、表情點樣會自然啲，甚至連神態都會提點。同埋Jason Pang Gallery 唔會令人有壓力，反而係一路鼓勵我哋，令我哋慢慢放鬆落嚟。 本身我哋以為影婚紗相會係一件幾攰、幾緊張嘅事，點知原來成個過程都幾好玩。我同我先生都覺得一路影一路越嚟越投入，反而幾輕鬆、幾 enjoy。雖然到最後因為全日直落拍 攝真係幾攰，但整體感覺都係開心嘅，無論係當日安排定最後影出嚟嘅作品，我哋都幾滿意！

至於後期修圖方面，我自己本身比較鍾意自然感，唔太接受執得太誇張嗰種婚紗相。我覺得Jason Pang Gallery喺呢方面處理得幾好，修圖唔會太過火，唔會將個樣執到完全唔似自己。不過我覺得團隊之間嘅默契可以更好。另外，化妝師就幾好，全程都好細心，令整體拍攝都順利完成🥳。整體嚟講，我都好滿意Jason Pang Gallery 嘅服務，我都會願意介紹佢畀身邊朋友🙌🏻。

喺溝通嘅過程入面，我對 Jason Pang Gallery 嘅第一印象係佢哋好肯俾意見🥳。尤其係 run down 嗰一部分，佢哋會根據自己嘅經驗，提醒我邊啲位可能要預多啲時間，邊啲位可以快啲完成。因為我自己都有啲特別著重嘅地方或者要求，同佢哋傾嘅時候，佢哋都會認真聽，然後俾返實際建議，成個感覺係好有經驗同埋好可靠🙌🏻。我哋揀嘅係 Big Day 嘅 package。喺 Big Day 之前，Jason 會主動問我哋攞 run down，因為我哋都交得比較遲，佢都會提醒我哋。我覺得呢一點好好，早啲俾佢睇，其實對我哋自己都好。佢幫我睇完成份 run down，即刻指出有啲位時間上可以點樣調整。對於冇乜婚禮經驗嘅新人嚟講，呢啲提醒真係好重要。到正式拍攝當日，我覺得Jason Pang Gallery最大嘅優點係效率高，同埋好清楚自己想要嘅畫面。團隊會好清楚咁指示我同我先生，或者同兄弟姊妹要做啲乜動作，影到想要嘅畫面就即刻轉下一個場景，唔會拖泥帶水👍。 相比之前影 prewedding 嘅經驗，有啲攝影師會影好多，但最後只揀一兩張；Jason 就係屬於目標清晰、快而準嗰種，呢一點我好欣賞😍。另外一個令我好驚喜嘅位，係佢哋嘅畫面感同創意。我結婚嗰到有個玻璃升降機。Jason 就提出咗一個 idea，用嗰個場景拍咗一段好有藝術感、畫面震撼嘅片。到早拍晚播播返出嚟嗰刻，我真係覺得「嘩，原來可以影到咁」，佢哋嘅藝術感真係好強🥰。成個合作過程入面，我覺得 Jason 同佢嘅團隊都好有要求，唔單止會配合新人嘅需要，對自己影出嚟嘅畫面都好嚴謹。而且成個拍攝氣氛都好輕鬆，Jason 本身都好幽默，團隊相處起上嚟好舒服，好似一齊玩咁，好自然，自己表現都會放鬆好多😚。我對Jason Pang Gallery非常滿意，亦好感恩當時可以揀到佢哋，因為團隊本身都幾受歡迎，要夾到時間，我真係覺得好彩同有緣分~💕