呢間公司未落訂同未confirm野之前，態度都好好，但係幫你落訂之後，就唔同哂😅！例如比你揀嘅裙褂就同一開始講話好多套都可以比我揀嘅有出入，話我big day嗰日嘅款就其實只係得呢幾套，同你會見到佢地Ｄ褂既質素係麻麻，例如條龍有隻眼珠跌左出黎，跟住先再搵tailor修補番好，但其實個size都係唔岩嘅，佢又會同你講得番呢個size咁就焗住要揀😓然後去到試妝嗰陣，跟本無一個好專業嘅人幫你化，而係得喺嗰度做野嘅其中一個人幫你化，話佢就係個化妝師。咁個「化妝師」又搞到我個頭同妝好似滿清時期嘅人咁，明明你廿幾歲可以化到四十幾歲咁老, 我同佢講我真係好唔滿意呢個妝！仲要化到高低眉 ，雖然每個人天生都有Ｄ高低眉，但係佢化得好明顯。佢嘅解釋係你未染好個頭既顏色所以個髮髻先係咁樣，但係睇返人地Ｄ頭同各樣野應該係好簡潔，而佢就整到好似披頭散髮咁，總之好殘👎🏽我地要求換人，佢就話化妝師未必有期，其實佢跟本就係自己接左個客先搵freelance返工幫你化，而唔係成日同佢合作嘅人，質素就咁參差。後來雖然有另一個好Ｄ，但都唔算係好好，佢就話你唔揀呢個就無架喇，咪唯有焗住揀呢個咁唔係點？！我覺得最後化出黎有我要求嘅７成已經算架喇，但係去到出門嗰陣佢竟然可以搞到個頭同試妝嗰陣係完全唔同，例如個髻應該係圓潤Ｄ，但係佢就搞到好似長型蛋卷咁樣扁哂，然後再同你講：拿如果你再整嘅話就會唔夠時間架！跟住Ｄ蔭又係扁哂，好老咁樣，都唔知係未訓醒定點先搞成咁！ 然後個攝影師黎到其實係唔識影相嘅，收番黎Ｄ相係曝曬光，無幾多張係用得返😅嗰個所謂嘅錄影師，真係未見過有人用傻瓜機去錄婚禮，跟住佢燒返隻碟比你去播嘅時候都係矇架囉，起格架…咁我地就同佢公司講呢個version接受唔到，起碼比返個高清檔，但係到依家都未比到，而且亦未必會比到，因為本身佢用嗰部傻瓜機拍就係低清！輯相全部曝哂光，攞景又好唔專業，同一個pose影廿張，都只係影到你貶一貶眼，又唔會同你執相，真係無一張相係用得返！同佢地講佢地又唔係好理，追佢地要相又好耐，總之十分之差嘅經驗！ 我覺得係因為佢本身自己工作人員都係家庭成員，為左提升利潤到最高就要Ｄ岩岩學影相嘅人，而且佢地好多人做野都好求其😅